کسانوں کی خدمت میں کوئی کسر نہ چھوڑیں گے، مریم نواز

ویب ڈیسک

18th Dec, 2024. 02:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسانوں کی خدمت میں کوئی کسر نہ چھوڑیں گے، مریم نواز

پاک فضائیہ کی کارکردگی نے فضائی جنگ کے میدان میں اعلیٰ ترین معیار قائم کر دیا، مریم نواز

اسلام آباد: وزیراعلیٰ پنجاب مریم نواز شریف نے کہا ہے کہ کسانوں کی خدمت میں کوئی کسر نہ چھوڑیں گے۔

وزیراعلیٰ مریم نواز نے کسانوں کے قومی دن پر پیغام دیتے ہوئے کہا کہ کسان بھائیوں کو محنت کشوں کو خراجِ تحسین پیش کرتی ہوں، کسان دن رات زمین کے سینے سے اناج اُگا کر ہماری غذائی ضروریات پوری کرتے ہیں۔

انہوں نے کہا کہ کسان کی ترقی اور آسانی کے لئے حکومتِ پنجاب زراعت کے شعبے کو میکا تیز کر رہی ہے، کسانوں کی خوشحالی کے لئے کسان کارڈکا اجرا کیا ہے۔

مریم نواز نے کہا کہ کاشکاروں کو پیداواری قرضے دیے جا رہے ہیں، کاشتکار، کسان کارڈ سے اربوں روپے کے کھاد، بیج اور دیگر زرعی مداخل خرید چکا ہے۔

وزیراعلیٰ کا کہنا تھا کہ زرعی میکانزیشن کے ذریعے کسانوں کو ترقی اور خوشحالی کی راہ پر گامزن کررہے ہیں، کسان کو بلا سود آسان اقساط پر گرین ٹریکٹرز فراہم کیے جارہے ہیں۔

انہوں نے مزید کہا کہ زرعی ٹیوب ویلز کو شمسی توانائی پر منتقل کرنے کے پراجیکٹ پر کام تیزی سے جاری ہے، لائیو اسٹاک کارڈ کے ذریعے مویشی پال فارمرز کو ویکسین، علاج اور چارہ مہیا کیا جا رہا ہے، زراعت، مویشی بانی اور دیہی معیشت کو نئی بلندیوں پر لے جائیں گے اور کسانوں کی خدمت میں کوئی کسر نہ چھوڑیں گے۔