ملک کے بیشتر علاقوں میں آج موسم سرد اورخشک رہنے کا امکان ہے جبکہ بالائی علاقوں میں موسم شدید سرد رہے گا۔

محکمہ موسمیات کے مطابق رات و صبح کے اوقات میں پنجاب اور بالائی سندھ میں دھند کی پیشگوئی کی گئی ہے جبکہ خیبر پختونخوا کے میدانی علاقوں میں بھی درمیانی سے شدید دُھند چھائے رہنے کی توقع ہے۔

 صبح کے وقت میں خطہ پوٹھوہار، کشمیر اور خیبر پختونخوا کے چند میدانی علاقوں میں کہرا پڑنے کی بھی توقع ہے جبکہ اسلام آباد اور گردونواح میں موسم سرد و خشک اور رات کے اوقات میں شدید سرد رہنے کا امکان ہے۔

کشمیر میں موسم شدید سرد اور خشک رہنے کا امکان ہے جبکہ  صبح کے اوقات میں کوٹلی، راولا کوٹ اور گردونواح میں کہرا پڑنے کی توقع ہے۔

اس کے علاوہ گلگت بلتستان میں موسم شدید سرد اور خشک رہنے کا امکان ہے جبکہ صوابی، مردان، پشاور، نوشہرہ، کوہاٹ اور ڈیرہ اسماعیل خان میں درمیانی سے شدید دُھند چھائے رہنے کی توقع ہے۔

محکمہ موسمیات نے بتایا کہ سکھر، شکارپور، کشمور، خیر پور اور گردونواح میں شدید دھند چھائے رہنے کی توقع ہے جبکہ سیالکوٹ، نارووال، گوجرنوالہ، لاہور، شیخوپورہ اور ساہیوال میں اسموگ کی پیشگوئی کی گئی ہے۔

بعدازاں فیصل آباد، قصور، اوکاڑہ ، ملتان، بہاولپور، رحیم یار خان، ڈی جی خان، بہاولنگراور گردونواح میں دُھند کی پیشگوئی کی گئی ہے جبکہ پنجاب میں چند مقامات پر شدید دھند رہے گی، تام  بلوچستان کے بیشتر اضلاع میں بھی موسم شدید سرد اور خشک رہے گا۔