برآمدات میں 10.52 فیصد کا اضافہ ریکارڈ
اسلام آباد: رواں مالی سال کے چھ ماہ میں برآمدات میں 10.52 فیصد کا اضافہ ریکارڈ کیا گیا ہے۔
ادارہ شماریات نے بیرونی تجارت کے اعداد و شمار جاری کردیے ہیں جس کے مطابق جولائی تا دسمبر برآمدات کا حجم 16 ارب 56 کروڑ ڈالر سے زیادہ رہا۔
ادارہ شماریات کا کہنا ہے کہ گزشتہ مالی سال اسی عرصے میں 14 ارب 98 کروڑ ڈالر سے زیادہ کی برآمدات تھیں، جولائی تا دسمبر درآمدات میں 6.11 فیصد کا اضافہ ہوا۔
ادارہ شماریات نے بتایا کہ چھ ماہ میں درآمدات کا حجم 27 ارب 73 کروڑ ڈالر سے زیادہ رہا جب کہ گذشتہ مالی سال اسی عرصے میں 26 ارب 13 کروڑ ڈالر سے زیادہ کی درآمدات تھیں۔
ادارہ شماریات نے مزید بتایا کہ چھ ماہ میں ملکی تجارتی خسارہ 11 ارب 17 کروڑ ڈالر سے زیادہ رہا، رواں مالی سال گزشتہ مالی سال کے مقابلے میں تجارتی خسارے میں 0.18 فیصد کا اضافہ ہوا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
