کیلیفورنیا میں طیارہ عمارت سے ٹکرا کر تباہ، 2 افراد ہلاک

ویب ڈیسک

03rd Jan, 2025. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیلیفورنیا میں طیارہ عمارت سے ٹکرا کر تباہ، 2 افراد ہلاک

امریکی ریاست کیلیفورنیا میں طیارہ عمارت سے ٹکرا کر تباہ ہوگیا جس کے نتیجے میں 2 افراد ہلاک ہوگئے۔

غیر ملکی خبر رساں ادارے کی رپورٹ کے مطابق امریکی ریاست کیلیفورنیا میں چھوٹے طیارے کو حادثہ پیش آیا ہے جس کے نتیجے میں 2 افراد ہلاک اور 18 زخمی ہوگئے۔

رپورٹ میں بتایا گیا ہے کہ یہ حادثہ لاس اینجلس سے 25 میل جنوب مشرق میں فلرٹن میونسپل ائیرپورٹ کے قریب پیش آیا تاہم حادثے میں پائلٹ بھی ہلاک ہوگیا ہے۔

فیڈرل ایوی ایشن ایڈمنسٹریشن نے بتایا کہ حادثے کی تحقیقات کا آغاز کردیا گیا ہے جب کہ حادثے کا شکار ہونے والا طیارہ ایک چھوٹا اور چار نشستوں والا ’وینز آر وی 10‘ ماڈل تھا۔

پولیس کا کہنا ہے کہ ابھی یہ معلوم نہیں ہوسکا ہے کہ مرنے والے طیارے میں سوار تھے یا پھر جس عمارت سے طیارہ ٹکرایا اس میں کام کررہے تھے۔

واضح رہے کہ گذشتہ دنوں آذربائیجان اور جنوبی کوریا میں مسافر طیارے کے گر کر تباہ ہونے کے حادثات رپورٹ ہوئے تھے جن میں 200 افراد اپنی جان کی بازی ہار بیٹھے تھے۔