لوئر کرم میں شرپسندوں کی فائرنگ سے ڈپٹی کمشنر جاویداللہ محسود زخمی

ویب ڈیسک

04th Jan, 2025. 02:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لوئر کرم میں شرپسندوں کی فائرنگ سے ڈپٹی کمشنر جاویداللہ محسود زخمی

ترجمان کے پی حکومت کے مطابق ڈپٹی کمشنرکرم جاویداللہ محسودبگن میں نامعلوم شرپسندوں کی فائرنگ سے زخمی ہوگئے۔

بیرسٹرسیف کا کہنا ہے کہ فائرنگ میں ڈپٹی کمشنر جاویداللہ محسود زخمی ہوئے ہیں، ڈپٹی کمشنرکی حالت خطرے سے باہر ہے، سیکیورٹی خدشات کے پیش نظرقافلےکوفی الحال روکا گیا ہے۔

گورنرکے پی فیصل کریم کنڈی نے واقعے کی مذمت کرتے ہوئے اپنے بیان میں کہا ہے کہ کرم میں گاڑیوں کے قافلے پرفائرنگ قابل مذمت ہے، حملے میں ڈپٹی کمشنرکا زخمی ہونا انتظامیہ کی ناکامی ہے۔

گورنرخیبرپختونخوا نے کہا کہ امدادی قافلہ پرفائرنگ صوبائی حکومت کی نااہلی کامنہ بولتا ثبوت ہے، ڈپٹی کمشنرجاوید محسود کی جلد صحتیابی کے لیے دعاگوہوں۔

وفاقی وزیر داخلہ محسن نقوی نے بھی لوئرکرم میں گاڑیوں پرفائرنگ کے واقعے کی مذمت کرتے ہوئے اپنے بیان میں زخمی ہونے والے ڈپٹی کمشنرکرم جاوید محسود کی صحتیابی کیلئےدعا کی ہے۔

محسن نقوی نے کہا کہ گاڑیوں پرفائرنگ کاواقعہ امن معاہدہ سبوتاژ کرنےکی سازش ہے، شرپسندعناصرنے امن معاہدے کونقصان پہنچانے کی گھناؤنی حرکت کی۔