چیئرمین پاکستان کرکٹ بورڈ محسن نقوی نے صائم ایوب کو فوری علاج کے لیے لندن بھیجے کا فیصلہ کیا ہے۔

محسن نقوی نے یہ فیصلہ ڈاکٹرز سے مشاورت کے بعد کیا ، انہوں نے صائم ایوب سے خود بھی رابطہ کیا اورخیریت دریافت کرتے ہوئے ان کی صحت یابی کےلئے نیک خواہشات کااظہار کیا۔

اس حوالے سے محسن نقوی نے کہا کہ لندن کے اسپورٹس آرتھو کے ماہر ڈاکٹرز کے ساتھ اپوائمنٹ طے کرلیا گیا ہے، جبکہ لندن کے اسپورٹس آرتھو کے ماہر ڈاکٹرز صائم ایوب کا چیک اپ کریں گے۔

چیئرمین پی سی بی نے کہا کہ  پاکستان میں ڈاکٹر ممریز صائم ایوب کے علاج معالجے کے سارے کیس کو دیکھ رہے ہیں، اور انہوں نے صائم ایوب کی تمام میڈیکل رپورٹس لندن بھجوا دی ہیں۔

محسن نقوی نے کہا کہ صائم ایوب  اسٹائلش  زبردست بیٹر اور پاکستان کرکٹ کا اثاثہ ہیں، صائم ایوب کو پہلی دستیاب فلائٹ سے کیپ ٹاؤن سے لندن بھجوایا جائے گا، جبکہ اسٹنٹ کوچ اظہر محمود بھی ان کے ساتھ لندن جائیں گے۔

انہوں نے یہ بھی کہا کہ صائم ایوب کی انجری پر بہت تشویش ہے، اور ان کا دنیا کے بہترین ہسپتال میں چیک اپ اورعلاج کرائیں گے۔

 محسن نقوی  نے مزید یہ بھی کہا کہ صائم ایوب کے علاج معالجے کے لیے  تمام تر وسائل بروئے کار لائے جائیں گے، امید ہے کہ صائم ایوب چیمپئنز ٹرافی سے قبل مکمل صحت یاب ہو جائیں گے۔