سندھ پولیس کے دستے میں 2 جدید ترین آرمرڈ پولیس موبائلز کا اضافہ

خرم گلزار

07th Jan, 2025. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ پولیس کے دستے میں 2 جدید ترین آرمرڈ پولیس موبائلز کا اضافہ

خیرپور پولیس کا انوکھا کارنامہ: دو سالہ بچے پر جھگڑے اور حملے کا مقدمہ درج

کراچی: کچے کے علاقے میں جرائم پیشہ عناصر کے خلاف جاری آپریشن کے معاملے پر سندھ پولیس کے دستے میں 2 جدید ترین آرمرڈ پولیس موبائلز کا اضافہ ہوگیا۔

آئی جی سندھ غلام نبی میمن نے بتایا ہے کہ خصوصی پولیس موبائلز کشمور اور شکار پور پولیس کو دے دی گئی ہے، جہاں مسائل چل رہے ہیں وہاں اپگریڈیشن جاری ہیں، جدید پولیس موبائل بڑے بور کا ہتھیارروکنے کی صلاحیت رکھتی ہے۔

انہوں نے کہا کہ کچے میں کئی مقامات پر رینج کا بھی فرق ہوتا ہے، پولیس موبائل میں 6 اہلکار پیچھے دو آگے بیٹھ سکتے ہیں۔

غلام نبی میمن نے کہا کہ جدید پولیس موبائل میں ایک ٹاور بھی بنایا گیا ہے، چار اہلکار سائیڈ سے ایک کھڑا ہوکر فائرنگ کرسکتا ہے، ٹاور کے ذریعے اوپر سے مانیٹرنگ بھی کی جاسکتی ہے۔

انکا کہنا تھا کہ موبائل کو چاروں جانب سے مکمل طور پر کور کیا گیا ہے، جوان گشت پر ہوں اور حملہ ہوجائے تو مقابلے میں آسانی ہوگی۔

آئی جی سندھ نے مزید کہا کہ فی الحال ٹرائل بیسز پر دو پولیس موبائلز لی ہیں، تجربہ کامیاب ہوا تو مزید ضلعوں کو بھی یہ موبائلز دیں گے۔