ملک میں کورونا وائرس کے مزید226 فراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 4204 تک پہنچ گئی ہے۔

تفصیلات کے مطابق ملک میں کورونا وائرس کے آج 226 افراد میں مہلک وائرس کی تشخیص ہوئی جن میں سندھ سے 50  جبکہ  پنجاب میں 176 افراد میں کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 1036 ، بلوچستان میں 210 ، خیبرپختونخوا میں 527 ،اسلام آباد میں 83  ، گلگت بلتستان میں 212 ، پنجاب میں 2108 اور آزاد کشمیر میں 28 مریض موجود ہے۔

یاد رہے کہ اس سے قبل سندھ حکومت کے ترجمان و مشیر  قانون ، ماحولیات و ساحلی ترقی بیرسٹر مرتضی وہاب نے  سماجی رابطے کی ویب سائٹ ٹوئیٹر پر جاری بیان میں کہا تھا کہ    صوبہ سندھ  میں کورونا وائرس کے متاثرہ مریضوں کی تعداد1036 ہوگئی ہے جبکہ 20 افراد اب تک جاں بحق ہوچکے ہیں۔

Advertisement

The following information is relevant to assess the situation of #COVIDー19 in Sindh as of 8th April at 8 AM:

Total Tests 10981
Positive Cases 1036
Recovered Cases 280
Deaths 20

In the last 24 hours, 11 people have recovered from corona in Sindh

Advertisement

— SenatorMurtaza Wahab (@murtazawahab1) April 8, 2020

سندھ حکومت کے ترجمان و مشیر  قانون ، ماحولیات و ساحلی ترقی بیرسٹر مرتضی وہاب نے  یہ بھی کہا تھا کہ صوبے میں اب تک 10 ہزار 981 ٹیسٹ کیے جاچکے ہیں جبکہ اب تک کیے گئے ٹیسٹ  میں 1036 مثبت کیسز  ہیں جبکہ 20 اموات ہوچکی ہیں۔

ترجمان سندھ حکومت نے مزید کہا تھا کہ گذشتہ 24 گھنٹوں میں مزید 11 مریض صحت یاب ہوئے ہیں جس کے بعد صوبے میں اس مہلک وائرس کو شکست دینے والے مریضوں کی تعداد 280  ہوگئی ہے۔

ملک میں کورونا وائرس کے افراد کی تعداد 4000 سے تجاوز کرگئی

دوسری جانب ترجمان پرائمری اینڈ سکینڈری ہیلتھ کئیر نے بھی اپنے ایک بیان میں کہا کہ پنجاب میں کوروناوائرس کے مزید 176 کیسز سامنے آگئے جس کے بعد صوبے میں کوروناوائرس سے متاثرہ افرادکی تعداد 2108 تک پہنچ گئی۔

ترجمان پرائمری اینڈ سکینڈری ہیلتھ کئیر نے کہا کہ تمام کنفرممریضوں کو دیگر افراد سے الگ آئسولیشن وارڈز میں رکھا گیا ہے اور طبیعت خراب ہونے پر مریضوں کو آئسولیشن وارڈز سے ہسپتال کے ایچ ڈی یو میں شفٹ کیا جاتا ہے جبکہ مریضوں کو مکمل طبی سہولیات فراہم کی جا رہی ہے۔