اب پاکستان نے بھی کورونا وائرس کے خلاف جنگ میں اپنا نام لکھوا لیا ہے۔

تفصیلات کے مطابق ایبٹ آباد کے ایوب میڈیکل سینٹر کو کورونا وائرس کے خلاف علاج ڈھونڈنے کے لئے عالمی سطح پر شامل کرلیا گیا ہے۔

پاکستان کے شہر ایبٹ آباد میں واقع ایوب میڈیکل سینٹر کی ٹیم کو والمی وباء سے بچاؤ کے لئے اور اس کے علاج کے لئے شامل کیا گیا ہے۔

یہ پاکستان کی ایک بہت بڑی کامیابی ہے کہ اب پاکستان بھی مسیحائی ممالک میں شامل کردیا گیا ہے اور اب اس عالمی وباء سے لڑنے کے لئے اپنا کردار ادا کرے گا۔

یاد رہے کہ  کورونا سے آج3  مریض اور چل بسے، ملک میں جاں بحق افراد کی تعداد 60 ہوگئی، آج ملک میں کورونا کا شکار 228 نئے مریض بھی سامنے آئے۔مجموعی تعداد 4206 تک پہنچ گئی۔

پنجاب میں آج 176 نئے کیسز سامنےآئے ۔ تعداد 2108 تک پہنچ گئی ۔

سندھ میں بھی آج کورونا کے 50 کیسز رپورٹ ہوئے، متاثرہ افراد کی مجموعی تعداد 1036 ہوگئی۔

خیبر پختونخوا میں 525 اور بلوچستان میں 212 افراد کورونا سے متاثر ہوئے۔

گلگت بلستان میں بھی کورونا سے 212 افراد متاثر ہوئے ہیں ۔

اسلام آباد میں 83 اور آزاد کشمیر میں 28 مریض سامنے آچکے ہیں