پاکستان اور نیدرلینڈز کا تجارتی، سرمایہ کاری اور ماحولیاتی تبدیلی پر روابط کو فروغ دینے کا عزم

سلمان علی اعوان

20th Jan, 2025. 06:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور نیدرلینڈز کا تجارتی، سرمایہ کاری اور ماحولیاتی تبدیلی پر روابط کو فروغ دینے کا عزم

اسلام آباد: پاکستان اور نیدرلینڈز نے سیاسی، اقتصادی، تجارتی، سرمایہ کاری اور ماحولیاتی تبدیلی پر روابط کو فروغ دینے کا عزم کیا ہے۔

ترجمان دفتر خارجہ کے مطابق پاکستان اور نیدرلینڈز کے درمیان دو طرفہ سیاسی مشاورت کا گیارہواں دور آج اسلام آباد میں منعقد ہوا جس میں سیکرٹری خارجہ آمنہ بلوچ نے پاکستان جب کہ کرسٹیان ریبرگن نے نیدرلینڈز کی نمائندگی کی۔

ترجمان دفتر خارجہ نے بتایا کہ پاکستان اور نیدرلینڈز نے دو طرفہ تعلقات کے تمام پہلوؤں سمیت اہم علاقائی اور عالمی امور پر تبادلہ خیال کیا جب کہ دو طرفہ تعلقات میں مثبت پیشرفت اور تعاون پر اطمینان کا اظہار کیا گیا۔

ترجمان کا کہنا ہے کہ پاکستان اور نیدرلینڈز نے سیاسی، اقتصادی، تجارتی، سرمایہ کاری اور ماحولیاتی تبدیلی جیسے معاملات پر روابط کو فروغ دینے کا عزم کیا۔

دفتر خارجہ کا کہنا تھا کہ پاکستان اور نیدرلینڈ نے آبی وسائل، ڈیری اور لائیو اسٹاک کے ساتھ تعلیم اور ثقافت کے شعبوں میں بھی روابط کو فروغ دینے پر غور کیا۔

ترجمان نے مزید بتایا کہ سیکرٹری خارجہ آمنہ بلوچ نے پاکستان کے لئے نیدرلینڈز کی بطور بڑے تجارتی شراکت دار اہمیت کو اجاگر کیا، پاکستان اور نیدرلینڈز نے ماحولیاتی تبدیلیوں سے درپیش چیلنجز پر بھی تبادلہ خیال کیا۔