اعلیٰ ثانوی تعلیمی بورڈ کے متنازعہ نتائج، اراکین اسمبلی پر مشتمل کمیٹی کا اہم اجلاس طلب

مریم حسن

23rd Jan, 2025. 12:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اعلیٰ ثانوی تعلیمی بورڈ کے متنازعہ نتائج، اراکین اسمبلی پر مشتمل کمیٹی کا اہم اجلاس طلب

کراچی: اعلیٰ ثانوی تعلیمی بورڈ کراچی کے متنازعہ نتائج کی تحقیقات کے لیے وزیر تعلیم سندھ سید سردار شاہ کی سربراہی میں اراکین اسمبلی کا اہم اجلاس آج طلب کر لیا گیا ہے۔

جماعت اسلامی کے رکن سندھ اسمبلی بھی اجلاس میں بطور ممبر شامل ہوں گے، جبکہ ایم کیو ایم پاکستان کے اپوزیشن لیڈر سندھ اسمبلی علی خورشیدی کو بھی اجلاس میں شامل ہونے کے لیے خصوصی دعوت دی گئی ہے۔

اجلاس میں سیکریٹری تعلیمی بورڈز و جامعات بریفننگ دیں گے، جبکہ اراکین اسمبلی سمیت 15 ممبران پر مشتمل کمیٹی حالیہ نتائج کا جائزہ لے گی۔

واضح رہے کہ حالیہ فرسٹ ایئر نتائج میں پری میڈیکل گروپ میں کامیابی کا تناسب 33 فیصد جبکہ پری انجینئرنگ گروپ کا 29 فیصد رہا تھا، فرسٹ ایئر کے امتحانات میں تمام گروپس سے 99 ہزار 438 طلباء نے شرکت کی تھی، جس میں 49 ہزار 614 طلباء فیل قرار دیے گئے۔