آئی پی پیز کے معاملے پر جماعت اسلامی نے 31 جنوری کو ملک گیر احتجاج کا اعلان کردیا۔

امیر جماعت اسلامی حافظ نعیم الرحمان نے کراچی میں پریس کانفرنس کرتے ہوئے کہا کہ صحافیوں کو وقت پر تنخواہیں ملنی چاہیے، حکومت پیکا آرڈیننس لیکر آئی ہے ہم اسے قبول نہیں کرتے۔

انہوں نے کہا کہ 2016 میں ن لیگ اور پھر تحریک انصاف کے حکومت میں بھی پیکا آرڈیننس لایا گیا، اس سے قبل پیکا آرڈیننس پنجاب حکومت کے ذریعے لایا گیا۔

حافظ نعیم الرحمان نے کہا کہ تحریک انصاف کے دور میں کئی صحافیوں کو جبری طور پر اٹھایا گیا تھا، بلکل فیک نیوز نہیں ہونا چاہیے مرضی کے صحافیوں کو استعمال کیا جاتا ہے۔

انکا کہنا تھا کہ حکومت پیکا آرڈیننس سے قبل مشاورت کرتے تو بہتر ہوتا، ہم صحافی بھائیوں کے ساتھ شانہ بشانہ کھڑے ہیں، ایک کوڈ آف کنڈکٹ ضرور بننا چاہے لیکن آزادی پر حملہ بھی قبول نہیں کرینگے۔

امیر جماعت اسلامی نے کہا کہ گزشتہ دنوں میں نے قطر کا دورہ کیا وہاں صحافیوں سے ملاقات کی، قطر میں فلسطین کی آواز بننے والے صحافیوں سے گفتگو کی۔

نعیم الرحمان نے مزید کہا کہ حماس نے اسرائیل کے خلاف تاریخ رقم کردی تھی، پندرہ ماہ کے بعد ایک امن معاہدہ ہوا ہے یہ حماس کی فتح ہے، پورا غزہ ملبے کا ڈھیر بن گیا لیکن فلسطینی جرات کے ساتھ لڑتے رہے، اسرائیل کی شکست اسرائیل کی ہی نہیں بلکہ امریکی شکست بھی ہے۔