بلوچستان کے 25 اضلاع میں لوکل گورنمنٹ کے ضمنی انتخابات کیلئے پولنگ جاری

ویب ڈیسک

26th Jan, 2025. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان کے 25 اضلاع میں لوکل گورنمنٹ کے ضمنی انتخابات کیلئے پولنگ جاری

بلوچستان کے 25 اضلاع میں لوکل گورنمنٹ کے ضمنی انتخابات کے لیے پولنگ کا عمل جاری ہے۔

صوبائی الیکشن کمیشن کے مطابق بلوچستان کے 25 اضلاع میں پولنگ کا آغاز صبح 8 بجے ہوا اور یہ شام 5 بجے تک بغیر کسی وقفے کے جاری رہے گا۔

25 اضلاع میں مجموعی طور پر 60 پولنگ اسٹیشنز اور 138 پولنگ بوتھ قائم کیے گئے ہیں، جن میں خواتین کے لیے 65 اور مردوں کے لیے 73 بوتھ مختص ہیں۔

جسٹرڈ ووٹرز کی تعداد 43,784 ہے، جن میں مرد ووٹرز 24,844 اور خواتین ووٹرز 18,940 شامل ہیں، تاہم 50 جنرل وارڈز میں 167 امیدوار مدمقابل ہیں۔

ژوب، لورالائی، قلعہ سیف اللہ، مستونگ اور پنجگور میں 4،4 جنرل نشستوں پر پولنگ ہو رہی ہے، کوہلو اور کچھی میں 3،3 جبکہ پشین، شیرانی، ہرنائی، خضدار، سوراب اور لسبیلہ میں 2،2 نشستوں کے لیے ووٹ ڈالے جا رہے ہیں۔

اس کے علاوہ چاغی، خاران، واشک، بارکھان، سبی، نصیرآباد، جعفرآباد، صحبت پور، قلات، حب، کیچ اور گوادر میں ایک، ایک نشست پر انتخاب ہو رہا ہے۔

صوبائی الیکشن کمشنر کے مطابق پولنگ کے تمام انتظامات مکمل ہیں اور انتخابات کے دوران سیکیورٹی کے سخت انتظامات کیے گئے ہیں تاکہ پولنگ کا عمل پرامن طریقے سے مکمل ہو سکے۔