پاکستان کو ویسٹ انڈیز کے خلاف جیت کے لیے 178 رنز درکار، 6 وکٹیں باقی

ویب ڈیسک

26th Jan, 2025. 05:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو ویسٹ انڈیز کے خلاف جیت کے لیے 178 رنز درکار، 6 وکٹیں باقی

ملتان میں کھیلے جا رہے پاکستان اور ویسٹ انڈیز کے درمیان دوسرے ٹیسٹ میچ کے دوسرے دن پاکستان کو جیت کے لیے 178 رنز درکار ہیں، جبکہ اس کی 6 وکٹیں باقی ہیں۔

ویسٹ انڈیز کی ٹیم اپنی دوسری اننگز میں 244 رنز بنا کر آؤٹ ہو گئی، جس کے بعد پاکستان کو 254 رنز کا ہدف ملا۔

پاکستان کی دوسری اننگز کا آغاز مایوس کن رہا، جہاں شان مسعود اور محمد ہریرہ 2، 2 رنز بنا کر پویلین لوٹ گئے۔ بابر اعظم 31 رنز بنا کر جلد آؤٹ ہو گئے، جبکہ کامران غلام نے 19 رنز کی اننگز کھیلی۔ اس وقت سعود شکیل 13 اور کاشف علی ایک رن کے ساتھ کریز پر موجود ہیں۔

پاکستان کی باؤلنگ کی بات کی جائے تو ویسٹ انڈیز کی ٹیم کو 244 رنز پر آؤٹ کرنے میں نعمان علی اور ساجد خان نے اہم کردار ادا کیا، دونوں نے 4، 4 وکٹیں حاصل کیں۔ اس کے علاوہ، کاشف علی اور ابرار احمد نے ایک ایک وکٹ حاصل کی۔

ویسٹ انڈیز کی جانب سے کپتان کریگ براتھ ویٹ نے 52 رنز کی قیمتی اننگز کھیلی، جبکہ دیگر کھلاڑیوں میں میکل لیوس 7، عامر جینگو 30، کیویم ہوج 15، ایلک اتھاناز 6، جسٹن گریوز 10، کیون سنکلیئر 28، ٹیون املاچ 35 اور گڈاکیش موتی اور جومل واریکن نے 18، 18 رنز بنائے۔