حافظ نعیم الرحمن کا آئی پی پیز کے خلاف 31 جنوری کو ملک بھر میں احتجاج اور دھرنے کا اعلان

ویب ڈیسک

26th Jan, 2025. 08:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حافظ نعیم الرحمن کا آئی پی پیز کے خلاف 31 جنوری کو ملک بھر میں احتجاج اور دھرنے کا اعلان

جماعت اسلامی کے رہنما حافظ نعیم الرحمن نے آئی پی پیز (انڈپینڈنٹ پاور پروڈیوسرز) کے خلاف ملک بھر میں 31 جنوری کو احتجاج اور دھرنوں کا اعلان کیا ہے۔

حافظ نعیم الرحمن کا کہنا تھا کہ آئی پی پیز مافیا کے خلاف احتجاجی تحریک کو ازسرنو شروع کیا جائے گا، اور دھرنوں میں عوام کو آئندہ کی حکمت عملی اور کاروڈ میپ دیا جائے گا۔

انہوں نے حکومت سے مطالبہ کیا کہ بجلی کے بل کم کیے جائیں، ناجائز ٹیکسز ختم کیے جائیں، اور پیٹرول کی لیوی میں کمی کی جائے۔

حافظ نعیم الرحمن نے مزید کہا کہ سرکاری مراعات ختم کر کے تنخواہ دار طبقے کو ریلیف دیا جائے اور جاگیرداروں پر ٹیکس عائد کیا جائے۔

حافظ نعیم الرحمن نے اپنے بیان میں کہا کہ ہر دور میں عوام کا خون نچوڑا جاتا ہے، جاگیرداروں، وڈیروں اور مافیا کو کھلی چھوٹ دی جاتی ہے۔

انہوں نے پارلیمنٹ اراکین کی تنخواہوں میں 140 فیصد اضافے کو شرمناک قرار دیتے ہوئے کہا کہ قوم حساب لے گی۔

حافظ نعیم الرحمن نے حکومت کی جانب سے پییکا (PECA) کے جاری کردہ ترمیمی آرڈیننس کو بھی مسترد کر دیا، اور اس آرڈیننس کو آزادی اظہار رائے اور صحافت کا گلہ گھوٹنے کے مترادف قرار دیا۔