کھیلتا پنجاب گیمز کے فائنل مرحلے کا چوتھا روز؛ لاہور 16 گولڈ میڈلز کے ساتھ سرفہرست

ویب ڈیسک

02nd Feb, 2025. 09:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کھیلتا پنجاب گیمز کے فائنل مرحلے کا چوتھا روز؛ لاہور 16 گولڈ میڈلز کے ساتھ سرفہرست

لاہور: کھیلتا پنجاب گیمز کے فائنل مرحلے کا چوتھا روز ختم ہوگیا جس میں کئی مقابلے دیکھنے کو ملے جب کہ لاہور 16 گولڈ میڈلز کے ساتھ سرفہرست ہے۔

کھیلتا پنجاب گیمز کے فائنل مرحلے کے چوتھے روز باسکٹ بال بوائز کا فائنل سرگودھا ڈویژن نے جیت لیا، سرگودھا نے فیصل آباد ڈویژن کو 53-68 سےشکست دی۔

باسکٹ بال گرلز کا فائنل لاہور نے جیت لیا، فائنل میں لاہور نے ملتان کو 10-44 سےشکست دی۔ فٹبال کے پہلے سیمی فائنل میں گوجرانوالہ نے بہاولپور ڈویژن کو 0-4 سے شکست دی۔

دوسرے سیمی فائنل میں فیصل آباد نے ساہیوال کو 1-2 سے ہرایا۔ فٹبال کا فائنل کل گوجرانوالہ اور فیصل آباد ڈویژنز کے درمیان کھیلا جائے گا۔

دوسری جانب فیصل آباد ڈویژن نے کبڈی کے فائنل میں ساہیوال ڈویژن کو شکست دے دی، وزیر کھیل پنجاب فیصل ایوب نے فیصل آباد کو کبڈی میچ میں کامیابی پر مبارکباد پیش کی۔

وزیر کھیل پنجاب فیصل ایوب کھوکھر نے بتایا کہ میڈل ٹیبل پر لاہور 16 گولڈ میڈل کے ساتھ پہلی پوزیشن پر ہے۔

وزیرکھیل پنجاب کے مطابق فیصل آباد ڈویژن 12 گولڈ میڈل کے ساتھ دوسرے اور گوجرانوالہ ڈویژن 10 گولڈ میڈل کے ساتھ تیسری پوزیشن پر موجود ہے۔