کراچی: 24 گھنٹوں کے دوران ٹریفک حادثات میں 10 افراد جاں بحق

ویب ڈیسک

06th Feb, 2025. 10:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: 24 گھنٹوں کے دوران ٹریفک حادثات میں 10 افراد جاں بحق

کراچی: شہر قائد میں ٹریفک و دیگر حادثات میں 24 گھنٹوں کے دوران خواتین اور بچوں سمیت 10 افراد جاں بحق ہوگئے۔

کراچی میں ٹریفک و دیگر حادثات میں 24 گھنٹوں کے دوران خواتین اور بچوں سمیت 10 افراد جان سے گئے جبکہ پولیس نے مبینہ مقابلوں کے بعد زخمی ڈاکوؤں سمیت چار ملزمان کو گرفتار کر لیا۔

شہر قائد میں دندناتے ہیوی ٹریفک نے ایک اور خاندان اجاڑ دیا، رات گئے ملیر ہالٹ کے قریب ٹریفک حادثے میں 50 سالہ سلیم اور اس کا 13 سالہ بیٹا عفان جان سے گئے جبکہ اس کی بیوی روبینہ زخمی ہو گئی۔

پولیس کے مطابق حادثہ ڈمپر کی موٹرسائیکل کو ٹکر مارنے کے نتیجے میں پیش آیا جبکہ ڈمپر ڈرائیور موقع سے گاڑی سمیت فرار ہونے میں کامیاب ہو گیا۔

اس کے علاوہ گلشن معمار میں نامعلوم گاڑی کی ٹکر سے موٹر سائیکل سوار نوجوان جاں بحق اور تین سگے بھائی زخمی ہوئے زخمیوں میں چار پانچ اور چھ سالہ بچے شامل ہیں۔

ملیر کھوکھرا پار میں تیز رفتار بس نے ماں اور بیٹی کو کچل دیا جبکہ گلستان جوہر ملینیم مال کے قریب تیز رفتار بے قابو دمپر سے کچل کر میاں بیوی اور ایک شخص جاں بحق ہوا۔

بعدازاں لانڈھی ریلوے اسٹیشن کے قریب ٹرین کی زد میں آکے باپ اور کمسن بچہ جاں بحق ہوا۔