وزیر اعظم میاں شہباز شریف نے جے یو آئی (ف) کے سربراہ مولانا فضل الرحمان کی رہائشگاہ کا دورہ کیا۔ اور ان سے ملاقات کی۔
اس ملاقات میں وفاقی وزیر اطلاعات عطاتارڑ اور احسن اقبال بھی وزیر اعظم کے ہمراہ تھے۔
ملاقات کے دوران ملک کی موجودہ سیاسی صورتحال پر تفصیل سے بات چیت کی گئی۔ ذرائع کے مطابق وزیر اعظم شہباز شریف نے مولانا فضل الرحمان کو صدر مسلم لیگ ن کا پیغام بھی پہنچایا، جس پر مولانا فضل الرحمان نے نواز شریف کے لیے نیک خواہشات کا اظہار کیا۔
ملاقات میں پاکستان الیکٹرانک کرائمز ایکٹ (پیکا) سے متعلق مولانا فضل الرحمان کے تحفظات پر بھی بات چیت کی گئی۔ وزیر اطلاعات عطاتارڑ نے پیکا کے حوالے سے حکومتی موقف سے مولانا کو آگاہ کیا۔
اس موقع پر مولانا فضل الرحمان نے صدر مملکت کی جانب سے وعدے کے باوجود دستخط ہونے پر وزیر اعظم سے گلہ کیا، جس پر وزیر اعظم نے اس معاملے کو جلد حل کرنے کی یقین دہانی کرائی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
