سرکاری ملازمین کیلئے بُری خبر، وزیراعظم نے ڈیتھ پالیسی میں تبدیلی کی منظوری دے دی

فہد چوہدری

10th Feb, 2025. 12:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری ملازمین کیلئے بُری خبر، وزیراعظم نے ڈیتھ پالیسی میں تبدیلی کی منظوری دے دی

اسلام آباد: وزیر اعظم محمد شہباز شریف نے سرکاری ملازم کی دوران ملازمت انتقال سے متعلق ڈیتھ پالیسی میں تبدیلی کی منظوری دے دی۔

سروس کے دوران فوت ہونے والے سرکاری ملازمین کے خاندانوں کے لیے بڑی سہولت ختم ہوگئی ہے، دوران سروس انتقال پر سرکاری ملازم کے بچے کو اب نوکری نہیں ملے گی۔

وزیراعظم کی جانب سے نوکری کی سہولت ختم کرنے کے لئے سپریم کورٹ کے فیصلے کو جواز بنایا گیا اور امدادی پیکج سے ملازمت کی فراہمی کو ختم کرنے کی منظوری دی گئی۔

دیگر تمام فوائد مرنے والے سرکاری ملازمین کے اہل خانہ کو ملتے رہیں گے جبکہ شہید اہلکاروں اور دہشت گردی کا نشانہ بننے والے سرکاری ملازمین کے ورثا فیصلے سے متاثر نہیں ہونگے۔

وزیراعظم کی جانب سے کیے گئے فیصلے سے بیوہ/شوہر یا متوفی سرکاری ملازمین کے بچے کی پہلے سے کی گئی تقرری بھی متاثر نہیں ہوگی۔

اس حوالے سے اسٹیبلشمنٹ ڈویژن نے وزارتوں، ڈویژن اور صوبوں کو خط لکھ کر آگاہ کر دیا جبکہ تمام وزارتوں، ڈویژنوں کو متعلقہ محکموں سے وزیراعظم کی ہدایات پر عمل درآمد یقینی بنانے کی ہدایت بھی دے دی گئی ہے۔