وزیر اعظم کی متحدہ عرب امارات کے صدر سے ملاقات؛ اقتصادی تجارتی اور ترقی سمیت دیگر شعبوں میں تعاون پر گفتگو

فہد چوہدری

11th Feb, 2025. 05:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیر اعظم کی متحدہ عرب امارات کے صدر سے ملاقات؛ اقتصادی تجارتی اور ترقی سمیت دیگر شعبوں میں تعاون پر گفتگو
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
سول اسپتال حیدرآباد میں جعلی چیکس کے ذریعے کروڑوں روپے نکالے جانے کا انکشاف

Now Reading:

وزیر اعظم کی متحدہ عرب امارات کے صدر سے ملاقات؛ اقتصادی تجارتی اور ترقی سمیت دیگر شعبوں میں تعاون پر گفتگو

اسلام آباد: وزیر اعظم شہباز شریف نے متحدہ عرب امارات کے صدر سے ملاقات کی جس دوران اقتصادی تجارتی اور ترقی سمیت دیگر شعبوں میں تعاون پر گفتگو کی گئی۔

وزیراعظم شہباز شریف نے متحدہ عرب امارات کے صدر شیخ محمد بن زید النہیان سے ملاقات کی جب کہ ملاقات میں چیف آف آرمی اسٹاف جنرل عاصم منیر بھی موجود تھے۔

وزیراعظم پاکستان اور صدر یو اے ای کے درمیان تعاون کے مزید فروغ پر تبادلہ خیال کیا گیا، دونوں رہنماؤں نے باہمی مفادات کی تکمیل کے لائحہ عمل اور تعلقات کی مضبوطی پر گفتگو کی۔

دونوں رہنماؤں کے درمیان اقتصادی تجارتی اور ترقی سمیت دیگر شعبوں میں موجود اشتراک اور تعاون پر گفتگو کی گئی جب کہ عالمی رجحانات کی نشاندہی اور عالمی تبدیلیوں کے چیلنجز سے نمٹنے کے لیے تیاریوں پر ورلڈ گورنمنٹس سمٹ کی اہمیت پر بھی گفتگو ہوئی۔

اس موقع پر ترقی کی رفتار میں اضافے اور سب کے لیے بہتر مستقبل کی تعمیر کے لیے تبدیلیوں سے استفادہ حاصل کرنے کی اہمیت پر زور دیا گیا۔

دونوں رہنماؤں نے مشرق وسطیٰ میں ہونے والی پیش رفت، بائمی دلچسپی کے علاقائی اور بین الاقوامی امور پر تبادلہ خیال کیا گیا جب کہ دونوں رہنماؤں نے دو ریاستی حل پر مبنی جامع اور دیرپا امن کے لیے بین الاقوامی کوششوں کو تیز کرنے کی ضرورت پر زور دیا۔