معاشرتی ترقی کیلئے لڑکیوں کی تعلیم بہت ضروری ہے، احسن اقبال
وفاقی وزیر احسن اقبال کا کہنا ہے کہ معاشرتی ترقی کیلئے لڑکیوں کی تعلیم بہت ضروری ہے۔
وفاقی وزیر احسن اقبال نے تقریب سے خطاب کرتے ہوئے کہا ہے کہ وفاقی حکومت بلوچستان کی ترقی کے لیے بھرپور کردار ادا کررہی ہے، بلوچستان میں سماجی، معاشی ترقی کے لیے تعاون جاری ہے۔
انہوں نے کہا کہ 2013 سے 2018 کے دوران بلوچستان کی ترقی پر توجہ مرکوز رہی، نوجوانوں کو بہترین تعلیمی مواقع فراہم کرنے کے لیے اقدامات کیے، نوجوانوں کو کتاب، کمپیوٹر سے دور کرنے والے غیرملکی قوتوں کے ایجنٹ ہیں، نوجوانوں کو مذموم مقاصد کے لیے اکسانے والے ان کے خیرخواہ نہیں۔
احسن اقبال کا کہنا ہے کہ 350 کلو میٹرطویل شاہراہ کی تعمیر سے گوادر اور کوئٹہ کا رابطہ ممکن بنایا، علاقائی ترقی کے لیے مواصلاتی روابط کو فروغ دیا، دہشت گردی کرنے والے ترقی کا عمل آگے بڑھتا نہیں دیکھنا چاہتے، ترقیاتی منصوبوں کے مخالف صوبے کےعوام کے دشمن ہیں۔
وفاقی وزیر احسن اقبال نے کہا کہ معاشرتی ترقی کے لیے لڑکیوں کی تعلیم بہت ضروری ہے، ایک لڑکی کی تعلیم ایک خاندان کی تعلیم ہوتی ہے۔
Advertisement
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
