کراچی میں رمضان المبارک کے آخری عشرے کے دوران ہیٹ ویو کا امکان

ویب ڈیسک

25th Feb, 2025. 05:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں رمضان المبارک کے آخری عشرے کے دوران ہیٹ ویو کا امکان

کراچی: محکمہ موسمیات نے شہر قائد میں رمضان المبارک کے آخری عشرے کے دوران ہیٹ ویو کا امکان ظاہر کردیا۔

محکمہ موسمیات نے خبردار کیا ہے کہ کراچی میں ماہ رمضان کے آخری عشرے میں ہیٹ ویو کا امکان ہے، رمضان المبارک کا آغاز معتدل موسم سے ہوگا لیکن اختتام گرم موسم سے ہوگا۔

محکمہ موسمیات کے مطابق رمضان کے آغاز میں درجہ حرارت 34 ڈگری سینٹی گریڈ تک رہنے کا امکان ہے جب کہ آخری ایام میں درجہ حرارت 40 ڈگری سینٹی گریڈ تک جانے کا امکان ہے۔

ترجمان محکمہ موسمیات نے کہا کہ رواں ہفتے شہر میں موسم اسی طرح جزوی سے مکمل ابر آلود رہے گا جب کہ درجہ حرارت 32 ڈگری سینٹی گریڈ تک ریکارڈ کیا جا سکتا ہے۔

ترجمان کا مزید کہنا تھا کہ مغربی ہواؤں کا سلسلہ کراچی پر اثر انداز نہیں ہوگا جب کہ آج بارش کا کوئی امکان نہیں۔