پاکستانی چاولوں کی برآمدات میں درپیش مسائل ملکی بدنامی کا باعث بننے لگے

عمر حیات خان

27th Feb, 2025. 07:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی چاولوں کی برآمدات میں درپیش مسائل ملکی بدنامی کا باعث بننے لگے

اسلام آباد: پاکستانی چاولوں کی برآمدات میں درپیش مسائل ملکی بدنامی کا باعث بننے لگے ہیں۔

وزیر اعظم شہباز شریف نے ملکی بدنامی کا باعث بننے والے افراد کے خلاف سخت ایکشن لے لیا، کئی افسران نوکریوں سے گئے اور کئی کرپٹ پریکٹسز میں ملوث قانون کے شکنجے میں آگئے ہیں۔

ایکسپورٹرز، امپورٹرز اور ڈیپارٹمنٹ آف پلانٹ پروٹیکشن کی ملی بگھت بدنامی کا باعث بنی جب کہ رائس ایکسپورٹس سے متعلق مسائل پر قائمہ کمیٹی تجارت میں ہوشربا انکشافات سامنے آئے۔

فوڈ سیکورٹی حکام کے مطابق انکوائری رپورٹ میں ڈی پی پی کے ملوث ہونے کے ثبوت سامنے آئے، ایکسپورٹرز میں سے لوگ امپورٹرز کے ساتھ ملی بھگت میں ملوث پائے گئے جب کہ چاولوں کی ایکسپورٹ کے لئے جعلی خطوط کا استعمال کیا گیا۔

حکام کا کہنا ہے کہ باہر کے ممالک سے امپورٹرز کے ساتھ مل کر جعلی سائفر بنوائے گئے، ملکی سطح پر ڈیپارٹمنٹ آف پلانٹ پروٹیکشن کے لوگ اور ایکسپورٹرز کی ملی بھگت ثابت ہوئی۔