بی سی سی آئی حکام بھی چیمپئنز ٹرافی کی تیاریوں کے معترف

ویب ڈیسک

05th Mar, 2025. 08:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بی سی سی آئی حکام بھی چیمپئنز ٹرافی کی تیاریوں کے معترف

لاہور: بی سی سی آئی کے نائب صدر راجیو شکلا بھی چیمپئنز ٹرافی کے لیے پی سی بی کی تیاریوں کے معترف ہوگئے۔

بی سی سی آئی کے نائب صدر راجیو شکلا نے قذافی اسٹیڈیم میں میڈیا سے گفتگو کرتے ہوئے کہا کہ قذافی اسٹیڈیم اور لاہور آکر بہت اچھا لگ رہا ہے۔

انہوں نے کہا کہ پی سی بی نے بہت اچھے طریقے سے اس ٹورنامنٹ کو آرگنائز کیا ہے، چیمپئنز ٹرافی شروع ہونے سے پہلے تمام معاملات طے پائے تھے۔

بی سی سی آئی کے نائب صدر کا کہنا تھا کہ انڈین ٹیم کے پاکستان آنے کا فیصلہ انڈین حکومت نے کرنا ہے، انڈین بورڈ کی پالیسی ہے کہ دو طرفہ سیریز اپنے اپنے ممالک میں کھیلیں گے۔

راجیو شکلا نے مزید کہا کہ ایشیاکپ کے حوالے سے اس وقت صورت حال برقرار ہے، دنیا تو پاکستان اور بھارت کے میچز کروانے کی پیش کش کرے گی۔

واضح رہے کہ بی سی سی آئی کے نائب صدر راجیو شکلا بھی نیوزی لینڈ اور جنوبی افریقا کے درمیان چیمپئنز ٹرافی کا دوسرا سیمی فائنل دیکھنے کے لیے قذافی اسٹیڈیم میں موجود ہیں۔