ایڈیشنل آئی جی کراچی کی جرائم کے خلاف سخت اقدامات کی ہدایت

ویب ڈیسک

06th Mar, 2025. 05:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایڈیشنل آئی جی کراچی کی جرائم کے خلاف سخت اقدامات کی ہدایت

کراچی: ایڈیشنل آئی جی کراچی جاوید عالم اوڈھو کی زیرصدارت ایک اہم اجلاس منعقد ہوا جس میں شہر میں جرائم کی روک تھام کے لیے موثر اقدامات پر غور کیا گیا۔

ایڈیشنل آئی جی کراچی جاوید عالم اوڈھو کی زیرصدارت اجلاس میں کراچی پولیس کے زونل ڈی آئی جیز، ڈی آئی جی سیکیورٹی، ڈی آئی جی سی آئی اے اور ضلعی ایس ایس پیز سمیت ایس ایس پیز انویسٹی گیشن نے شرکت کی۔

ترجمان کراچی پولیس کے مطابق اجلاس میں اسٹریٹ کرائم اور دیگر جرائم کے خلاف کارروائیوں کو تیز کرنے کی ہدایت دی گئی۔

اس کے علاوہ، سحری، افطار اور نماز تراویح کے اوقات میں سیکیورٹی کے انتظامات کو مزید سخت کرنے کی تجویز دی گئی تاکہ عوام کی حفاظت کو یقینی بنایا جاسکے۔

اجلاس میں غیر ملکی شہریوں کی حفاظت کو بھی اولین ترجیح قرار دی گئی اور اس بات پر زور دیا گیا کہ کراچی میں غیر ملکی شہریوں کو مکمل تحفظ فراہم کیا جائے۔