کراچی: نیپرا نے کراچی والوں کو ماہانہ ایڈجسٹمنٹ میں مسلسل دوسرے ماہ مکمل کمی کے ریلیف سے محروم کردیا ہے۔

دسمبر کی ایڈجسٹمنٹ میں 5 روپے کی کمی بنتی تھی اور نیپرا نے 3 روپے فی یونٹ کمی کی جب کہ کے الیکٹرک نے دسمبر کے ایڈجسٹمنٹ میں 4.95 روپے فی یونٹ کمی کی درخواست کی تھی۔

نیپرا کی ورکنگ کے مطابق دسمبر کی ایڈجسٹمنٹ میں 5 روپے فی یونٹ کمی بنتی تھی، دسمبر کی ایڈجسٹمنٹ میں کے الیکٹرک صارفین کو مزید 2 روپے فی یونٹ کمی منتقل نہیں کی گئی۔

یاد رہے کہ نیپرا نے گذشتہ روز کے الیکٹرک صارفین کے لیے 3 روپے فی یونٹ کمی کا نوٹیفکیشن جاری کیا تھا جب کہ نیپرا نے بجلی کی قیمت میں کمی کا یہ نوٹیفکیشن دسمبر 2024 کی ایڈجسٹمنٹ کے تحت کیا تھا۔

نومبر کی ایڈجسٹمنٹ میں بھی 5 روپے کمی بنتی تھی اور 1.23 روپے فی یونٹ کمی کی گئی تھی جب کہ کے الیکٹرک نے نومبرکی ایڈجسٹمنٹ میں بھی 4 روپے 98 پیسے فی یونٹ کی کمی مانگی تھی۔

نومبر کی ایڈجسٹمنٹ پر ممبر ٹیرف نیپرا مطہر نیاز رانا نے اختلافی فیصلہ بھی دیا تھا جب کہ ممبر ٹیرف نیپرا نے کے الیکٹرک صارفین کو پورا ریلیف نہ دینے کی بھی مخالفت کی تھی۔

ممبر ٹیرف نیپرا نے کہا تھا کہ کے الیکٹرک کے لیے نومبر کی اصل ایڈجسٹمنٹ 5 روپے کمی بنتی تھی۔