پاکستانی کارگو جہاز 53 سال بعد چٹاگانگ بندرگاہ پر لنگر انداز

ویب ڈیسک

08th Mar, 2025. 03:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی کارگو جہاز 53 سال بعد چٹاگانگ بندرگاہ پر لنگر انداز

پاکستانی کارگو پی این ایس سی کا جہاز 53 سال بعد چٹاگانگ کی بندرگاہ پر لنگر انداز ہوگیا۔

پاکستانی کارگو جہاز پی این ایس سی کا جہاز “ایم وی سبی” 53 سال بعد بنگلا دیش کی چٹاگانگ بندرگاہ پر لنگر انداز ہو گیا ہے۔

اس جہاز پر 26 ہزار ٹن چاول کی کھیپ موجود ہے جو براہ راست تجارت اور رابطوں کی بحالی کا سنگ میل ثابت ہو رہی ہے۔

پاکستانی وفاقی وزیر محمد جنید انوار چوہدری نے اس تاریخی موقع پر کہا کہ یہ اقدام دو ممالک کے درمیان تجارتی تعلقات کو مزید مستحکم کرے گا۔

ان کا کہنا تھا کہ بنگلادیش میں پاکستانی سفارت خانے کے ٹریڈ اینڈ انویسٹمنٹ اتاشی زین عزیز اور وزارت خوراک کے اعلیٰ حکام نے چٹاگانگ بندرگاہ پر پاکستانی بحری جہاز کا پرتپاک استقبال کیا۔

انہوں نے مزید کہا کہ ایم وی سبی کے لنگر انداز ہونے کے بعد جہاز سے چاول کی ڈسچارجنگ کا عمل شروع ہو چکا ہے، جو دونوں ممالک کے تجارتی تعلقات کی نئی راہیں کھولے گا۔