انصاف کی فراہمی میں خواتین ججز کا کردار قابل ستائش ہے، چیف جسٹس پاکستان

ذوالقرنین اقبال

10th Mar, 2025. 10:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انصاف کی فراہمی میں خواتین ججز کا کردار قابل ستائش ہے، چیف جسٹس پاکستان

اسلام آباد: چیف جسٹس آف پاکستان یحییٰ آفریدی نے کہا ہے کہ انصاف کی فراہمی میں خواتین ججز کا کردار قابل ستائش ہے۔

خواتین ججز کے عالمی دن پر چیف جسٹس پاکستان یحییٰ آفریدی نے پیغام جاری کیا جس کا اعلامیہ جاری کردیا گیا ہے۔

اعلامیے کے مطابق یحییٰ آفریدی نے کہا کہ پاکستان میں عدلیہ میں خواتین کی بڑھتی ہوئی نمائندگی خوش آئند ہے، خواتین ججز کی خدمات کو تسلیم کرنا ہمارا فرض ہے۔

انکا کہنا تھا کہ صنفی مساوات اور عدلیہ میں خواتین کی شمولیت، ایک مثبت پیش رفت ہے، انصاف کی فراہمی میں خواتین ججز کا کردار قابل ستائش ہے۔

چیف جسٹس نے کہا کہ عدالتی نظام میں شفافیت اور انصاف کے فروغ میں خواتین کا کلیدی کردار ہے، خواتین وکلاء اور ججز کے لیے مزید سازگار ماحول فراہم کریں گے۔

یحییٰ آفریدی نے مزید کہا کہ انصاف تک رسائی کو حقیقت بنانے کے لیے کام جاری رکھیں گے، خواتین ججز کی ثابت قدمی اور دیانت داری، آنے والی نسلوں کے لیے مشعلِ راہ ہے۔