سوشل میڈیا پر منفی پروپیگنڈا، جے آئی ٹی نے عمر ایوب اور علیمہ خان کو طلب کرلیا

سلمان علی اعوان

12th Mar, 2025. 11:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوشل میڈیا پر منفی پروپیگنڈا، جے آئی ٹی نے عمر ایوب اور علیمہ خان کو طلب کرلیا

سوشل میڈیا پر منفی پروپیگنڈا کے خلاف مشترکہ تحقیقاتی ٹیم (جے آئی ٹی) نے عمر ایوب اور علیمہ خان کو طلب کرلیا۔

ذرائع کے مطابق سوشل میڈیا پر منفی پروپیگنڈے کے پیش نظر جوائنٹ انوسٹی گیشن ٹیم نے پی ٹی آئی کے 2 رہنماؤں کو طلبی کے نوٹس جاری کردیے، نوٹس وصول کرنے والوں میں اپوزیشن لیڈر عمر ایوب اور بانی پی ٹی آئی کی بہن علیمہ خان شامل ہیں۔

جے آئی ٹی نے علیمہ خان کو آج 12 مارچ 2025ء کو پیش ہونے کی ہدایت کی ہے جبکہ عمر ایوب کو کل 13 مارچ 2025ء کو پیش ہونے کا نوٹس جاری کیا گیا ہے۔

ذرائع کا کہنا ہے کہ وفاقی حکومت کی قائم کردہ جے آئی ٹی کی سربراہی اسلام آباد پولیس کے آئی جی کر رہے ہیں، جے آئی ٹی الیکٹرانک جرائم کی روک تھام کے ایکٹ 2016ء کے سیکشن کے تحت تشکیل دی گئی ہے۔

ذرائع نے مزید بتایا کہ جے آئی ٹی کے پاس طلب کیے جانے والے پی ٹی آئی رہنماؤں کے حوالے سے شواہد موجود ہیں۔