احمد علی صدیقی نے کراچی واٹر کارپوریشن کے سربراہ کا چارج سنبھال لیا

ویب ڈیسک

25th Mar, 2025. 06:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

احمد علی صدیقی نے کراچی واٹر کارپوریشن کے سربراہ کا چارج سنبھال لیا
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

احمد علی صدیقی نے کراچی واٹر کارپوریشن کے سربراہ کا چارج سنبھال لیا

کراچی: احمد علی صدیقی نے کراچی واٹر کارپوریشن کے نئے سربراہ کے طور پر چارج سنبھال لیا۔

کراچی واٹر اینڈ سیوریج کارپوریشن میں انتظامی تبدیلی کے بعد احمد علی صدیقی نے نئے سی ای او (چیف ایگزیکٹو آفیسر) کے طور پر چارج سنبھال لیا ہے۔

وہ اس سے قبل ڈپٹی کمشنر ویسٹ کے طور پر خدمات انجام دے رہے تھے جب کہ چارج سنبھالنے کے بعد احمد علی صدیقی نے چیئرمین واٹر کارپوریشن اور میئر کراچی مرتضیٰ وہاب سے ملاقات کی۔

اس ملاقات میں شہریوں کو فراہمی و نکاسی آب کے نظام کو بہتر بنانے کے حوالے سے گفتگو کی گئی۔ ادارے کے افسران اور ملازمین نے نئے ایم ڈی کو خوش آمدید کہا اور ان سے امید ظاہر کی کہ وہ ادارے میں مثبت تبدیلیاں لائیں گے۔

واٹر کارپوریشن کے سابق ایم ڈی انجینئر سید صلاح الدین کے استعفے کی منظوری کے بعد حکومت سندھ نے احمد علی صدیقی کی تعیناتی کا نوٹیفکیشن جاری کیا۔

اس موقع پر احمد علی صدیقی کا کہنا تھا کہ شہریوں کو پانی کی بہتر فراہمی اور نکاسی آب کے نظام کی بہتری ان کی اولین ترجیح ہوگی۔

انہوں نے اس عزم کا اظہار کیا کہ واٹر کارپوریشن کے مسائل حل کرنے کے لیے جدید اقدامات کیے جائیں گے اور ادارے کی کارکردگی کو مزید بہتر بنایا جائے گا۔