ن لیگ اور پیپلزپارٹی کے درمیان جاری مذاکرات میں اہم پیشرفت

ملک سعید اعوان

27th Mar, 2025. 11:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ن لیگ اور پیپلزپارٹی کے درمیان جاری مذاکرات میں اہم پیشرفت

اسلام آباد: پاکستان مسلم لیگ (ن) اور پیپلزپارٹی (پی پی پی) کے درمیان جاری مذاکرات میں اہم پیشرفت سامنے آئی ہے۔

پی پی ذرائع کے مطابق گورنر پنجاب سلیم حیدر کی پرانی گاڑی کا مسئلہ حل ہو گیا، ن لیگ نے گورنر پنجاب کی پرانی گاڑی تبدیل کرنے کی یقین دہانی کرائی ہے۔

ذرائع نے بتایا کہ پی پی نے گورنر پنجاب کی گاڑی پرانی ہونے کا شکوہ کیا تھا، تاہم مسلم لیگ ن کی جانب سے گورنر پنجاب کی دیگر شکایات بھی جلد دور کرنے کی یقین دہانی کرائی گئی ہے۔

ذرائع کا کہنا ہے کہ گورنر پنجاب کے بیشتر تحفظات جلد دور ہونا شروع ہوں گے، گورنر پنجاب کے انتخابی ضلع سے متعلقہ شکایات دور کرنے کی بھی یقین دہانی کرائی گئی ہے۔

ذرائع کے مطابق ن لیگ نے گورنر پنجاب کے آبائی حلقہ میں مداخلت نہ کرنے کی بھی یقین دہانی کرائی اور کہا کہ پنجاب حکومت اٹک میں ترقیاتی کاموں کیلئے خصوصی فنڈز جاری کرے گی۔