قومی اسمبلی کے بعد سینیٹ اجلاس بھی بلانے کا فیصلہ

ویب ڈیسک

29th Mar, 2025. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

قومی اسمبلی کے بعد سینیٹ اجلاس بھی بلانے کا فیصلہ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

قومی اسمبلی کے بعد سینیٹ اجلاس بھی بلانے کا فیصلہ

ثانیہ نشتر کی سینٹ نشست پر انتخابی عمل، 8 خواتین امیدوار میدان میں

اسلام آباد: قومی اسمبلی کے بعد سینیٹ اجلاس بھی بلانے کا فیصلہ کرلیا گیا۔

ذرائع کے مطابق قومی اسمبلی کے بعد سینیٹ اجلاس بھی بلانے کا فیصلہ کیا گیا ہے جب کہ سینیٹ اجلاس کی مجوزہ تاریخ آٹھ اپریل ہونے کا قوی امکان ہے۔

قومی اسمبلی و سینیٹ کے اجلاس عید کے ایک ہفتہ بعد ہی کیوں بلائے گئے بول نیوز نے وجہ معلوم کرلی ہے۔

ذرائع نے بتایا کہ وفاقی حکومت دونوں ایوانوں سے دہشت گردی اور فورسز کے خلاف پروپیگنڈا کے حوالے سے اہم قانون سازی کرنے کا ارادہ رکھتی ہے۔

حکومتی ذرائع کا کہنا ہے کہ جعفر ایکسپریس پر حملے کے بعد جس قسم کا پروپیگنڈا کیا گیا اس سے سختی سے نمٹنا ضروری ہے، آئین میں موجود حقوق سے ٹکرائے بغیر قانون میں سخت قانون سازی کی جائے گی۔

ذرائع نے یہ بھی بتایا کہ قومی اسمبلی و سینیٹ میں متوقع قانون سازی کا تعلق پارلیمانی قومی سلامتی کمیٹی میں سامنے آنے والی تجاویز سے ہے جب کہ وزیر اعظم کی زیر صدارت گزشتہ روز ہونے والا اہم سیکیورٹی اقدامات اجلاس بھی اسی سلسلے کی کڑی تھا۔

ذرائع کا مزید کہنا تھا کہ ان کیمرہ اجلاس اور گزشتہ روز کے اجلاس میں سوشل میڈیا سمیت دیگر حوالوں سے ہونے والی قانون سازی کو وقت کی ضرورت قرار دیا گیا اور قومی اسمبلی کا اجلاس سات اپریل کو بلانے کا فیصلہ کیا گیا۔