ملک کے بیشتر شہروں میں عیدالفطر کی نماز کے اوقات جاری

ویب ڈیسک

30th Mar, 2025. 01:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کے بیشتر شہروں میں عیدالفطر کی نماز کے اوقات جاری

ملک بھر کی اہم مساجد میں عیدالفطر کی نماز کے اوقات جاری کر دیے گئے ہیں جو درج ذیل ہیں۔

اسلام آباد کی فیصل مسجد میں نمازِ عیدالفطر صبح 7:30 بجے ادا کی جائے گی۔

بین الاقوامی اسلامی یونیورسٹی اسلام آباد کی دعوہ اکیڈمی کی جانب سے جاری کردہ تفصیلات کے مطابق، دعوہ اکیڈمی کے ڈائریکٹر جنرل پروفیسر ڈاکٹر محمد الیاس نمازِ عید کی امامت کریں گے اور خطابِ عیدالفطر پیش کریں گے۔

نماز کے بعد ملکی سلامتی، امن اور اتحاد کے لیے خصوصی دعا کی جائے گی۔

راولپنڈی اور اس کے مضافات کی مساجد میں عیدالفطر کی نماز کے اوقات کار کے مطابق مرکز اہلحدیث، سرکلر روڈ، راولپنڈی میں عید الفطر کی نماز، ٹھیک 06:10 پر ادا کی جائے گی۔

گارڈن کالج، لیاقت روڈ میں نماز عید 06:45 اور مرکزی عیدگاہ شریف پر ٹھیک 8 بجے پر ادا کی جائے گی، بارش کی صورت میں نماز مرکزی جامع مسجد میں ادا کی جائے گی۔

اس کے علاوہ لیاقت باغ راولپنڈی میں نماز عید صبح 8بجے، موتی مسجد لیاقت روڈ میں 7:15 منٹ اور جامع مسجد آر اے بازار کینٹ میں نماز عید 7:30منٹ پر ادا کی جائے گی۔

مرکزی جامع مسجد اہلحدیث، جامع مسجد روڈ، راولپنڈی میں عیدالفطر کی نماز، ٹھیک 06:15 پر ادا کی جائے گی اور مرکزی جامع مسجد سیدنا عمر فاروق، ریلوے ہاؤسنگ اسکیم نمبر 7 میں نماز عید 7:30 بجے ہوگی۔