وزیراعظم اور آذربائیجان کے صدر کے درمیان ٹیلی فونک رابطہ، دوطرفہ تعلقات کو مزید مستحکم کرنے کا عزم

ویب ڈیسک

30th Mar, 2025. 06:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیراعظم اور آذربائیجان کے صدر کے درمیان ٹیلی فونک رابطہ، دوطرفہ تعلقات کو مزید مستحکم کرنے کا عزم
مغربی سرحد پر کشیدگی ، وزیراعظم نے اجلاس طلب کر لیا ، اہم فیصلے متوقع
پاکستان اور افغانستان کے درمیان دوحہ میں مذاکرت آج ہونگے، طالبان رجیم کی تصدیق
پاکستان کی کریڈٹ ریٹنگ میں بہتری اصلاحاتی اقدامات کا عالمی اعتراف ہے، وزیرِ خزانہ

Now Reading:

وزیراعظم اور آذربائیجان کے صدر کے درمیان ٹیلی فونک رابطہ، دوطرفہ تعلقات کو مزید مستحکم کرنے کا عزم

وزیراعظم محمد شہباز شریف نے آج شام جمہوریہ آذربائیجان کے صدر عزت مآب الہام علیوف سے ٹیلیفونک رابطہ کیا، جس میں دونوں رہنماؤں نے دونوں ممالک کے درمیان گہرے برادرانہ تعلقات کو مزید مضبوط بنانے کے اپنے مشترکہ عزم کا اعادہ کیا۔

وزیراعظم نے صدر علیوف، ان کے خاندان اور آذربائیجان کے برادر عوام کے لیے دلی مبارکباد اور پرتپاک خواہشات کا اظہار کرتے ہوئے ان کے لئے امن اور خوشحالی کی دعا کی۔

دونوں رہنماؤں نے اس بات پر بھی اتفاق کیا کہ آذربائیجان کے وزیر اقتصادیات اپریل کے پہلے ہفتے میں اسلام آباد کا دورہ کریں گے، جہاں وہ وزیراعظم پاکستان اور نائب وزیر اعظم/وزیر خارجہ سے ملاقات کریں گے۔

وزیراعظم نے کہا کہ آذربائیجان کے وزیر اقتصادیات کا دورہ دونوں فریقوں کے درمیان سرمایہ کاری کے اہم معاہدوں کو حتمی شکل دینے میں معاون ثابت ہوگا۔ اس دوران صدر علیوف کے متوقع دورہ اسلام آباد کے معاملات طے کیے جائیں گے۔

وزیراعظم نے مزید کہا کہ صدر الہام علیوف کا آئندہ دورہ پاکستان دوطرفہ تعلقات میں ایک سنگ میل ثابت ہو گا، کیونکہ دونوں ممالک 2 ارب امریکی ڈالرز کی سرمایہ کاری کے معاہدوں پر دستخط کریں گے، جس سے دونوں ممالک کے درمیان سٹریٹجک شراکت داری کے نئے باب کا آغاز ہو گا۔