بھارت، پٹاخے کی فیکٹری میں آتشگیر مادہ پھٹنے سے 17 مزدور ہلاک

ویب ڈیسک

01st Apr, 2025. 05:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت، پٹاخے کی فیکٹری میں آتشگیر مادہ پھٹنے سے 17 مزدور ہلاک

بھارتی ریاست گجرات کے شہر ڈیسا میں پٹاخوں کی فیکٹری اور گودام میں دھماکے کے نتیجے میں 17 مزدور ہلاک ہو گئے۔ دھماکے کے بعد خوفناک آگ لگ گئی جس نے صورتحال کو مزید سنگین بنا دیا۔

بھارتی میڈیا کے مطابق، حکام نے بتایا کہ دھماکا “دیپک ٹریڈرز” کی فیکٹری میں ہوا، جس کے نتیجے میں افراتفری پھیل گئی اور فیکٹری کی سلیب گرنے سے ریسکیو آپریشن میں مشکلات پیش آئیں۔ ڈیسا میونسپلٹی کے فائر فائٹرز اور 108 ایمبولینس ٹیموں نے جائے وقوع پر پہنچ کر فوری طور پر ریسکیو آپریشن شروع کیا۔

ڈسٹرکٹ کلکٹر مہر پٹیل کے مطابق، ابتدائی طور پر 6 ہلاکتوں کی اطلاع ملی تھی لیکن بعد ازاں مرنے والوں کی تعداد 17 تک پہنچ گئی۔ فائر فائٹرز نے آگ پر قابو پالیا اور ملبے کے نیچے دبے افراد کو تلاش کیا۔

ابتدائی تحقیقات کے مطابق، دھماکہ ایک بوائلر کے پھٹنے کی وجہ سے ہوا۔ دھماکے کی شدت اور اس کے نتیجے میں لگی آگ اتنی زیادہ تھی کہ عمارت کے کچھ حصے منہدم ہو گئے۔ حکام نے بتایا کہ آگ پر قابو پا لیا گیا ہے اور کولنگ آپریشن جاری ہے۔ ریسکیو اہلکار ملبہ ہٹانے میں مصروف ہیں۔