شعبہ صحت میں کوتاہی برداشت نہیں کی جائے گی، مصطفیٰ کمال

ویب ڈیسک

03rd Apr, 2025. 01:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شعبہ صحت میں کوتاہی برداشت نہیں کی جائے گی، مصطفیٰ کمال

اسلام آباد: متحدہ قومی موومنٹ (ایم کیو ایم) پاکستان کے سینیئر رہنما مصطفیٰ کمال نے کہا ہے کہ شعبہ صحت میں کوتاہی برداشت نہیں کی جائے گی۔

وفاقی وزیر صحت سید مصطفیٰ کمال نے پمز اسپتال کے باہر میڈیا سے گفتگو کرتے ہوئے کہا کہ وزارت صحت سب سے زیادہ خطرناک شعبہ ہے، میرے لیے وزارت صحت پھولوں کی سیج نہیں۔

انہوں نے کہا کہ شعبہ صحت پر بھرپور توجہ دینے کی کوشش کررہے ہیں، پمز اسپتال میں منصوبوں پر تیزی سے کام ہو رہا ہے، میں عملی اقدامات پر یقین رکھتا ہوں، پمزاسپتال کی بہتری کے لیے اقدامات جاری ہیں۔

مصطفیٰ کمال نے کہا کہ میں نے عوام کی خدمت کو ہمیشہ مقدم رکھا ہے، سرکاری اسپتالوں میں ہمیشہ غریب ہی علاج کے لیے آتا ہے۔

رہنما ایم کیو ایم نے کہا کہ وزارت صحت کا شعبہ اللہ کی مخلوق سے منسلک ہے، لوگوں کو جب تکلیف ہوتی ہے تو وہ اداروں کی طرف دیکھتے ہیں۔

وفاقی وزیر نے مزید کہا کہ شعبہ صحت میں کو تاہی برداشت نہیں کی جائے گی، وزارت میرے لیے امتحان ہے، کامیابی سے اس سے گزرنا چاہتے ہیں۔