وزیراعظم شہباز شریف نے کہا کہ پاکستان میں معدنی ذخائرکھربوں ڈالر کےہیں، جن سے مستفید ہوکرپاکستان قرضوں کے چنگل سےآزادہوسکتاہے۔

 وزیراعظم شہباز شریف نے پاکستان منرلزانوسٹمنٹ فورم سے خطاب کرتے ہوئے کہا کہ خیبرپختونخوا، بلوچستان، گلگت بلتستان کے پہاڑوں میں معدنیات کےذخائرہیں، سندھ اورپنجاب کی سرزمین بھی قدرتی وسائل سےمالامال ہے۔

وزیراعظم نے کہا کہ آزادکشمیرمیں بھی قدرت کےبےپناہ خزانےمدفن ہیں، بلوچستان میں کان کنی سےروزگارکےمواقع پیدااورسماجی ومعاشی ترقی ہوگی، معدنیات کےشعبےمیں سرمایہ کاری سب کےلیے سود مند ہے۔

شہباز شریف کا کہنا ہے کہ پاکستان، چین، یورپ، امریکہ سمیت دیگرخطوں سےسرمایہ کاروں کوخوش آمدیدکہتاہے، پاکستان میں دنیاکےسب سے بڑے کوئلے کے ذخائرموجودہیں، سندھ حکومت کوئلے کے ذخائر سے استفادہ حاصل کرنےکےلیےکام کررہی ہے۔

وزیراعظم نے کہا کہ پاکستان مقامی کوئلے پر انحصار کرکے قیمتی زرمبادلہ کی بچت کررہاہے، ہم نےاپنی مصنوعات کی ویلیوایڈیشن کرکےبرآمدات کوفروغ دیناہے، خام مال کے بجائے تیارشدہ مصنوعات کی برآمدکویقینی بنایاجائےگا۔

شہباز شریف نے کا کہنا ہے کہ سرمایہ کاروں سےکہوں گاوہ تیارمصنوعات پرکام کریں، کان کنی کی صنعت کےلیےفنی تربیت لازم وملزم ہے، نوجوانوں کوفنی تربیت کےلیےنجی شعبے، حکومتی سطح پرشراکت داری کوفروغ دیاجائےگا۔

وزیراعظم نے اپنے خطاب میں مزید یہ بھی کہا کہ سرمایہ کارکمپنیاں نوجوانوں کو ہنر کی فراہمی میں کرداراداکریں، ہم مل کرپاکستان کودنیاکاعظیم ملک بنائیں گے، طےپانےوالی مفاہمتی یادداشتوں کومعاہدوں میں تبدیل کریں گے۔