پاکستان ویمنز کرکٹ ٹیم کی اسپنر سعدیہ اقبال کے لئے اعزاز

ویب ڈیسک

12th Apr, 2025. 03:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ویمنز کرکٹ ٹیم کی اسپنر سعدیہ اقبال کے لئے اعزاز

لاہور: پاکستان کی لیفٹ آرم اسپنر سعدیہ اقبال کو آئی سی سی ٹی ٹوئنٹی ٹیم 2024 میں شامل کرلیا گیا۔

پاکستان ویمنز کرکٹ ٹیم کی باصلاحیت لیفٹ آرم اسپنر سعدیہ اقبال کو آئی سی سی ٹی ٹوئنٹی ٹیم 2024 میں شامل کیے جانے پر باضابطہ اعزاز سے نوازا گیا۔ انہیں یہ اعزاز ویمنز کرکٹ ورلڈ کپ کوالیفائر کے دوران دیا گیا۔

اسپن بولنگ کوچ عبدالرحمٰن نے خصوصی تقریب کے دوران سعدیہ اقبال کو آئی سی سی کی کیپ پہنائی جب کہ ٹیم کی سابق کپتان بسمہ معروف نے بھی انہیں کیپ پیش کرکے مبارکباد دی۔

تقریب کے دوران ساتھی کھلاڑیوں، کوچز اور مینجمنٹ اسٹاف نے نہ صرف ان کی محنت اور کارکردگی کو سراہا بلکہ ان کے لیے نیک تمناؤں کا اظہار بھی کیا۔

سعدیہ اقبال کا تعلق فیصل آباد سے ہے۔ وہ 2019 میں بین الاقوامی کرکٹ میں متعارف ہوئیں اور اب تک 47 ٹی ٹوئنٹی میچز کھیل کر 59 وکٹیں حاصل کرچکی ہیں۔

کرکٹ کے ساتھ ساتھ انہوں نے سپورٹس سائنسز میں بی ایس آنرز کی ڈگری بھی حاصل کی ہے۔