پاکستان اور مراکش کے درمیان تیسری مشترکہ جنگی مشقوں کا آغاز

سلمان علی اعوان

14th Apr, 2025. 04:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور مراکش کے درمیان تیسری مشترکہ جنگی مشقوں کا آغاز

راولپنڈی: پاکستان اور مراکش کی افواج کے درمیان تیسری مشترکہ جنگی مشقوں کا آغاز اسپیشل آپریشنز اسکول چراٹ میں ہوگیا ہے۔

پاک فوج کے شعبہ تعلقات عامہ (آئی ایس پی آر) کے مطابق پاکستان اور مراکش کے درمیان تیسری مشترکہ جنگی مشقوں میں پاک فوج کا اسپیشل سروسز گروپ (SSG) اور مراکش آرمی کی اسپیشل فورسز شریک ہیں۔

آئی ایس پی آر نے بتایا کہ افتتاحی تقریب کے مہمان خصوصی کمانڈانٹ اسپیشل آپریشنز اسکول چراٹ تھے، جنہوں نے دونوں افواج کے دستوں کی پیشہ ورانہ تیاریوں کو سراہا۔

ترجمان پاک فوج کا کہنا ہے کہ ان جنگی مشقوں کا بنیادی مقصد مشترکہ تربیت کے ذریعے انسداد دہشت گردی کی کارروائیوں میں مہارت کا تبادلہ اور دونوں افواج کی پیشہ ورانہ صلاحیتوں کو مزید بہتر بنانا ہے۔

آئی ایس پی آر کا مزید کہنا ہے کہ ان مشقوں سے دونوں ممالک کے درمیان تاریخی عسکری روابط کو فروغ ملے گا جب کہ مشکوں میں شریک دستے ایک دوسرے کے تجربات اور مہارتوں سے استفادہ کریں گے۔