چین کا آخری دم تک امریکا سے تجارتی جنگ لڑنے کا اعلان

ویب ڈیسک

14th Apr, 2025. 06:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین کا آخری دم تک امریکا سے تجارتی جنگ لڑنے کا اعلان

چین میں امریکی سرکاری ملازم پر سفری پابندی، امریکہ کا اظہار تشویش

بیجنگ: تھنک ٹینک سینٹر فار چائنا اینڈ گلوبلائزیشن کے نائب صدر وکٹر گاؤ نے امریکا کو دوٹوک پیغام دیتے ہوئے کہا کہ چین امریکا پر انحصار نہیں کرتا، تجارتی جنگ میں آخری دم تک لڑنے کے لیے تیار ہیں۔

چین کے معروف تھنک ٹینک سینٹر فار چائنا اینڈ گلوبلائزیشن کے نائب صدر وکٹر گاؤ نے غیر ملکی خبر رساں ادارے کو انٹرویو میں واضح الفاظ میں کہا کہ دنیا صرف امریکا پر آکر ختم نہیں ہوجاتی۔

انہوں نے کہا کہ چین پانچ ہزار سال پرانی تہذیب ہے، ہم نے وہ وقت بھی دیکھا ہے جب امریکا کا وجود ہی نہیں تھا اور تب بھی ہم جینا جانتے تھے۔

چین کے معروف تھنک ٹینک کا کہنا تھا کہ چین امریکا کے ساتھ جاری تجارتی جنگ میں کسی صورت پیچھے نہیں ہٹے گا اور آخری دم تک لڑنے کے لیے ہر طرح سے تیار ہے۔

وکٹر گاؤ نے کہا کہ اگر امریکا چین کو دھمکانے یا دباؤ میں لانے کی کوشش کرے گا تو چین ایسے کسی بھی دباؤ کا مؤثر انداز میں مقابلہ کرنے کی صلاحیت رکھتا ہے۔

انہوں نے یہ بھی کہا کہ ہم امریکا پر انحصار کیے بغیر آئندہ بھی ہزاروں سال تک خود کو سنبھالنے اور ترقی کرنے کی مکمل صلاحیت رکھتے ہیں۔

وکٹر گاؤ نے مزید کہا کہ چین ہر اس چیلنج سے نمٹنے کے لیے تیار ہے جو امریکا کی طرف سے تجارتی یا معاشی محاذ پر درپیش ہو۔ ہماری تیاری مکمل ہے اور ہم کسی بھی صورت میں پسپائی اختیار نہیں کریں گے۔