وفاقی حکومت کا زرعی تجارت کو فروغ دینے کیلئے بڑا فیصلہ

ویب ڈیسک

15th Apr, 2025. 09:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت کا زرعی تجارت کو فروغ دینے کیلئے بڑا فیصلہ

اسلام آباد: وفاقی حکومت نے زراعت کی ترقی اور زرعی تجارت کو فروغ دینے کے لیے بڑا فیصلہ کرلیا۔

وفاقی وزارت نیشنل فوڈ سیکیورٹی نے زرعی اتھارٹی کے قیام کا بل تیار کرلیا ہے، زرعی اجناس کی تجارت، طلب ورسد کے معاملات کو باضابطہ بنایا جائے گا۔

اتھارٹی زراعت سے متعلق تجارتی سرگرمیوں کو فروغ دینے کی ذمہ داری نبھائے گی، تاہم مجوزہ بل کابینہ اجلاس میں پیش کیا جائے گا۔

وفاقی کابینہ کا اجلاس آج طلب کیے جانے کا امکان ہے، وزیراعظم کی وطن واپسی پر کابینہ اجلاس میں6 نکاتی ایجنڈے پر غور کیا جائے گا۔

وزیراعظم کابینہ ارکان کو بیلاروس کے کامیاب دورے پر اعتماد میں لیں گے اور اس دوران روشن انسٹی ٹیوٹ برائے سائنس وٹیکنالوجی کے پہلے ریکٹر کی تقرری کی منظوری دی جائے گی۔

اس موقع پر مستحکم سرمایہ کاری اسکوک فریم ورک بھی منظوری کے لیے پیش کیا جائے گا جبکہ الیکٹرونک جرائم کی روک تھام کے علاوہ دیگر رولز کی منظوری بھی دی جائے گی۔

علاوہ ازیں بحریہ یونیورسٹی کالج آف میڈیسن اسلام آباد کا معاملہ توثیق کے لیے پیش کیا جائے گا، کابینہ سے مخصوص غیر رجسٹرڈ ادویات کی امپورٹ میں چھوٹ کی منظوری بھی لی جائے گی۔