وائس چانسلرز کی تقرریوں کا معاملہ؛ خیبرپختونخوا حکومت کی اپیل واپس لینے پر خارج
اسلام آباد: سپریم کورٹ نے خیبرپختونخوا کی 19 جامعات کے وائس چانسلرز کی تقرریوں کے معاملے پر پشاور ہائیکورٹ کے فیصلے کے خلاف صوبائی حکومت کی اپیل واپس لینے کی بنیاد پر خارج کردی ہے۔
جسٹس شاہد وحید کی سربراہی میں تین رکنی بینچ نے خیبرپختونخوا کی 19 جامعات کے وائس چانسلرز کی تقرریوں کے معاملے پر صوبائی حکومت کی اپیل پر سماعت کی۔
سماعت کے دوران خیبرپختونخوا حکومت نے پشاور ہائی کورٹ کے فیصلے کیخلاف اپیل واپس لے لی اور ہائی کورٹ کے فیصلے پر عملدرآمد کی یقین دہانی کروائی۔
بعدازاں سپریم کورٹ نے خیبرپختونخوا حکومت کی اپیل واپس لینے کی بنیاد پر خارج کردی۔
واضح رہے کہ پشاور ہائی کورٹ نے نگران حکومت کی جانب سے میرٹ پر کی گئی تقرریوں کے نوٹیفکیشن جاری کرنے کا حکم دیا تھا، تاہم خیبرپختونخوا حکومت نے الیکشن کے بعد ازسرنو تقرریوں کا عمل شروع کر دیا تھا۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
