کراچی میں ہیٹ ویو کا دوسرا روز، درجہ حرارت 40 ڈگری سے تجاوز کرنے کا امکان

ویب ڈیسک

21st Apr, 2025. 09:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ہیٹ ویو کا دوسرا روز، درجہ حرارت 40 ڈگری سے تجاوز کرنے کا امکان

کراچی میں سمندری ہوائیں معطل ہونے کی وجہ سے آج بھی ہیٹ ویو کا امکان ہے جس کے باعث درجہ حرارت میں مزید اضافے کا امکان ظاہر کیا جارہا ہے۔

محکمہ موسمیات کے مطابق شہر کا موسم آج بھی شدید گرم اور خشک رہے گا، آج کم سے کم درجہ حرارت 32 ڈگری سینٹی گریڈ ریکارڈ کیا گیا جبکہ اس وقت 4 کلو میٹر فی گھنٹہ کی رفتار سے شمال مغربی ہوائیں چل رہی ہیں۔

محکمہ موسمیات کا کہنا ہے کہ دن کے اوقات میں درجہ حرارت آج بھی 40 ڈگری سے تجاوز کرنے کا امکان ہے، جو گرمی کی شدت میں اضافے کا باعث بنے گا۔

اس کے علاوہ شہر میں ہوا میں نمی کا تناسب 36 فیصد ہے اور اس وقت سمندری ہوائیں بھی مکمل طور پر معطل ہیں۔

محکمہ موسمیات کا کہنا ہے کہ کراچی میں 23 اپریل تک ہیٹ ویو کا امکان برقرار ہے، تاہم شہریوں کو ہدایت کی گئی ہے کہ دھوپ میں غیر ضروری طور پر باہر نکلنے سے گریز کریں اور پانی کا استعمال بڑھا دیں تاکہ ہیٹ اسٹروک سے بچا جاسکے۔