شہر قائد میں سمندری ہوائیں بند ہونے کی وجہ سے موسم شدید گرم ہے۔

محکمہ موسمیات کے مطابق کراچی کا موجودہ درجہ حرارت 34 ڈگری سینٹی گریڈ، جبکہ کم سے کم درجہ حرارت 24 ڈگری سینٹی گریڈ ریکارڈ کیا گیا ہے۔

شہر قائد آج زیادہ سے زیادہ درجہ حرارت 39 ڈگری سینٹی گریڈ تک جانے کا امکان ہے، جبکہ آج اور کل کراچی میں ہیٹ ویو متوقع ہے۔

 محکمہ موسمیات نے بتایا کہ شہر میں ہواؤں کے رخ میں تبدیلی کے باعث کراچی میں گرمی کی شدت میں اضافہ ہوا ہے، یہی وجہ ہے کہ منگل اور بدھ کو موسم گرم رہنے کا امکان ہے، اس کے علاوہ سندھ کے دیگر علاقوں میں 24 اپریل سے ایک بار پھر ہیٹ ویو جیسی صورتِ حال پیدا ہونے کا امکان ہے۔

دی ویدر نیٹ ورک کے مطابق کراچی میں اس وقت سورج کی شعاوں کا انڈیکس 8 یو وی ہے، دوپہر میں سورج کی شعاعوں کا انڈیکس 10 سے 11 کے درمیان متوقع ہے۔

محکمہ موسمیات کا کہنا ہے کہ شہر قائد میں اس وقت ہوا میں نمی کا تناسب 34 فیصد ہے، زیادہ نمی سے درجہ حرارت کی شدت 39 سے 41 ڈگری سینٹی گریڈ تک محسوس کی جاسکتی ہے، جبکہ ہوائیں معتدل ہیں۔

آئی کیو ائر کے مطابق کراچی کا فضائی معیار غیر صحت بخش ہونے کی وجہ دنیا کے آلودہ ترین شہروں میں 8 ویں نمبر پر ہے،  کراچی کا ائر کوالٹی انڈیکس 152 ہے، جبکہ ہوا میں آلودہ ذرات پرٹیکیولیٹ میٹر 2.5 کی مقدار 57 کیوبک میٹر ہے۔