نجی حج اسکیم کے تحت 67 ہزار عازمین کے حج پر جانے کی امید دکھائی دینے لگی ہے۔
وزیر داخلہ محسن نقوی ، وفاقی وزیر امور سردار یوسف اور چیئرمین پاکستان علما کونسل حافظ طاہر اشرفی کی کوششیں رنگ لے آئیں، سعودی سفیر سعید نواف المالکی مسئلہ کرانے کے لیے ہنگامی دورے پر سعودی عرب چلے گئے۔
ذرائع وزارت مذہبی امور کے مطابق تینوں پاکستانی شخصیات نے سعودی سفیر کو سعودی عرب جاکر ولی عہد محمد بن سلمان سے پاکستانیوں کی اپیل پہنچانے کی درخواست کی تھی، تاہم ابھی بھی 67ہزار عازمین حج کا مسئلہ یقینی حل ہونے کی امید کم ہی ہے۔
ذرائع کا کہنا ہے کہ سعودی عرب کی اپنی مشکلات ہیں بھارت بنگلہ دیش نائجیریا ملائشیا سمیت دیگر کئی مسلم ممالک بھی ڈیڈ لائن کے اندر پراسس مکمل نہیں کرسکے ہیں، پاکستان کے لیے الگ اور باقی مسلم ممالک کے لیے الگ پالیسی بنانا سعودی حکومت کے لیے بھی آسان نہیں ہوگا۔
ذرائع کے مطابق محسن نقوی، علامہ طاہر اشرفی اور سردار یوسف نے حالیہ دنوں میں سعودی سفیر سے یکے بعد دیگرے کئی ملاقاتیں کی تھیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
