بھارتی ناظم الامور کی دفتر خارجہ طلبی، شدید احتجاج، پاکستانی فیصلوں سے آگاہ کردیا گیا

ویب ڈیسک

24th Apr, 2025. 06:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی ناظم الامور کی دفتر خارجہ طلبی، شدید احتجاج، پاکستانی فیصلوں سے آگاہ کردیا گیا

پاکستان کی مسجد اقصیٰ سے متعلق اسرائیلی اشتعال انگیز اقدامات کی شدید مذمت

اسلام آباد: پہلگام حملے کے بعد بھارت کے جارحانہ اقدامات پر بھارتی ناظم االامور گیتکا سری واستو کو دفتر خارجہ طلب کرکے پاکستان کے جوابی فیصلوں سے تحریری طور پر آگاہ کردیا اور بھارتی اقدامات پر شدید احتجاج کیا گیا۔

سفارتی ذرائع کے مطابق بھارتی ناظم الامور دفتر خارجہ پہنچیں تو پاکستان نے ایک ڈی مارش بھی ان کے حوالے کیا۔ دفترخارجہ نے بھارتی ہائی کمشن کے ڈیفنس، ایئر اور نیول اتاشی کو ناپسندیدہ قرار دے کر پاکستان چھوڑنے کے فیصلے سے آگاہ کیا گیا۔

سفارتی ذرائع کا کہنا ہے کہ دفتر خارجہ کی جانب سے بھارتی ہائی کمیشن کے عملے کو 30 افراد تک محدود کرنے اور سکھ یاتریوں کے علاوہ تمام بھارتی شہریوں کو 48 گھنٹوں میں پاکستان چھوڑنے، واہگہ چیک پوسٹ بند کرنے کے فیصلے سے بھی آگاہ کیا گیا۔

ذرائع نے بتایا کہ دفتر خارجہ نے بھارتی ناظم الامور کو واضح کیا کہ بھارت کی سندھ طاس معاہدے کی یکطرفہ معطلی کے جواب میں شملہ و دیگر پاک بھارت معاہدے معطل کرنے کے امکانات ہیں، بھارتی اقدامات پاک بھارت تجارت بشمول بلواسطہ تجارت کو بھی معطل کرسکتی ہے۔

سفارتی ذرائع نے مزید بتایا کہ یہ فیصلے نیشنل سیکیورٹی کمیٹی کے اجلاس میں سول و عسکری قیادت کی ہدایات کی روشنی میں کیے گیے ہیں۔