کیا ہوگا اگر آپ یا آپ کا دماغ ہمیشہ زندہ رہ سکتے ہوں؟ سائنسدانوں میں ’’کوانٹم امرتا‘‘ یعنی لافانیت کی ایک تھیوری زیربحث ہے ،یہ ایک ایسا تصور ہے جو بتاتا ہے کہ ہمارا شعور کبھی نہیں مرتا۔

بعض ماہرین کا کہنا ہے کہ جب ہمیں اس کائنات میں موت کا سامنا کرنا پڑتا ہے تو ہمارا شعور کسی دوسری کائنات میں منتقل ہوجاتا ہے جہاں ہم یا ہمارا دماغ زندہ رہتے ہیں۔

سائنسدانوں نے دماغ کو موڑنے والا ایک تصور پیش کیا ہے جسے ’’کوانٹم امرتا‘‘ یعنی لافانی کے نام سے جانا جاتاہے، جو یہ بتاتا ہے کہ ہمارا شعور کبھی بھی حقیقی معنوں میں نہیں مرسکتا بلکہ موت کا سامنا کرنے پر ایک متبادل حقیقت کی طرف منتقل ہوجاتا ہے۔

یہ نظریہ طبیعیات دان ہیو ایوریٹ کے کئی دنیا کے نظریہ پر مبنی ہے جو متعدد متوازی کائناتوں کے وجود کی تجویز پیش کرتا ہے۔

یہ بھی پڑھیں: غذا میں مچھلی کی افادیت پر جدید تحقیق نے سب کو حیران کردیا

ایک ٹک ٹاک صارف جولی آرٹسٹ کی ایک حالیہ آن لائن ویڈیو نے ’’کوانٹم امرتا‘‘ کے بارے میں بحث چھیڑدی ہے جس میں کچھ صارفین اس کے مضمرات اور ممکنہ نتائج کوتلاش کر رہے ہیں۔ طبیعیات دان فرینک پول مین اور روبن ویرسین نے بھی اس بحث میں حصہ لیا ہے۔

جون 2019 میں ٹیکنیکل یونیورسٹی آف میونخ کے ماہر طبیعیات فرینک پول مین نے کہا کہ اب تک یہ مفروضہ تھا لیکن اب ہم جانتے ہیں کہ معاملہ اس کے برعکس ہے۔

میونخ کی ٹیکنیکل یونیورسٹی اور میکس پلانک انسٹی ٹیوٹ فار دی فزکس آف کمپلیکس سسٹمز کے ماہر طبیعیات روبن ویرسین نے کہا اگرچہ ’’کوانٹم امرتا‘‘ یعنی  لافانی ہونے  کا تصور اب بھی قیاس آرائی ہے لیکن یہ شرح اموات کے روایتی تصورات اور شعور کی نوعیت کو چیلنج کرتا ہے۔ اس نظریہ کے مضمرات کو مکمل طور پر سمجھنے کے لیے مزید تحقیق کی ضرورت ہے۔