نئی دہلی: بھارت نے ریٹائرڈ آرمی افسران کے میڈیا ٹاک شوز میں شرکت پر پابندی عائد کردی۔

ذرائع کے مطابق بھارتی آرمی نے اپنے ریٹائرڈ افسران پر الیکٹرانک میڈیا کے کرنٹ افیئرز کے پروگرامز میں شرکت پر پابندی عائد کردی ہے۔

ذرائع نے بتایا کہ یہ پابندی اس چیز کا واضح ثبوت ہے کہ بھارتی آرمی کے ریٹائرڈ افسران پہلگام واقعہ پر بھارتی حکومت اور بھارتی آرمی کے مؤقف کو جھوٹا قرار دے رہے ہیں جب کہ  بھارت کو دنیا بھر میں شرمندگی کا سامنا کرنا پڑ رہا ہے۔

مودی اور بھارتی قومی سلامتی کے مشیر اجیت دودل کی پالیسی بری طرح ناکام ہوچکی ہے ۔ ’’کھسیانی بلی کھمبا نوچے‘‘ کی مصداق بھارتی حکومت اپنے ہی ملک کے یوٹیوبرز کو دھمکیاں دینے لگی۔

پاکستانی میڈیا اور سوشل میڈیا نے پہلگام واقعے کے بعد بھارتی بیانیے کو دفن کر دیا جس کے بعد کچھ بھارتی میڈیا ہاؤسز نے بھی مودی سرکار کی بیانیے کی مخالفت شروع کردی ہے۔

فسطایت کا شکار مودی سرکار نے پاکستانی یوٹیوبرز اور میڈیا کے یوٹیوب چینلز کو تو بند کردیا مگر ایسے بھارتی چینلز اور یوٹیوبرز جو حکومتی بنانیے کی مخالفت کررہے ہیں انہیں بھی دباؤ میں لینے کی کوشش کی جارہی ہے، پہلگام واقعے سے متعلق سخت سوالات پر بھارتی حکومت کی چیخیں نکل گئیں۔

پاکستانی میڈیا کی جاندار اور موثر حکمت عملی کے سبب  بی جے پی حکومت کو پہلگام ڈرامے کا  سچ عیاں ہونے کا خوف لاحق ہوگیا ہے۔