پی ایس ایل 10 کے 19 ویں میچ میں لاہور قلندرز نے اسلام آباد یونائیٹڈ کو 88 رنز کے بھاری مارجن سے شکست دے دی ۔

اسلام آباد یونائیٹڈ کی پوری ٹیم لاہور قلندرز کے 209 رنز کے جواب میں 16.5 اوورز میں 121 رنز بنا کر آؤٹ ہو گئی۔

یونائیٹڈ کی جانب سے اینڈریز گوز 41 اور سلمان آغا نے 36 رنز بنائے، شاداب خان 13 اور نسیم شاہ نے 11 رنز بنائے۔ یونائیٹڈ کے 7 کھلاڑی ڈبل فیگر میں بھی داخل نہ ہو سکے۔

قلندرز کے حارث رؤف نے 4 اور سکندر رضا نے 3 وکٹیں حاصل کیں۔

اس سے قبل لاہور قلندرز نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 209 رنز بنائے۔

قلندرز کے اوپنر فخر زمان نے 44 رنز کی اننگ کھیلی، محمد نعیم نے 25، عبداللہ شفیق 22 اور ڈیرل مچل نے 28 رنز بنائے۔

 قلندرز کے سام بلنگز اور سکندر رضا کی آخری اوورز میں جارحانہ بیٹنگ کی بدولت ٹیم کا اسکور 209 تک پہنچا، سام بلنگز نے 17 گیندوں پر 4 چھکوں اور ایک چوکے کی مدد سے 38 رنز بنائے جبکہ سکندر رضا نے 17 گیندوں پر 3 چھکوں اور 3 چوکوں کی مدد سے 39 رنز بنائے۔

اسلام آباد یونائیٹڈ کی جانب سے جیسن ہولڈر اور عماد وسیم نے 2،2 کھلاڑیوں کو آؤٹ کیا۔

پاکستان سپر لیگ سیزن 10 کے 19 ویں میچ میں اسلام آباد یونائیٹڈ نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا ہے۔

اسکواڈ:

لاہور قلندرز: فخر زمان، محمد نعیم، عبداللہ شفیق، ڈیرل مچل، سیم بلنگز(وکٹ کیپر)، سکندر رضا، آصف علی، ٹام کرن، شاہین آفریدی (کپتان)، حارث رؤف اور آصف آفریدی۔

اسلام آباد یونائیٹڈ: شاداب خان (کپتان)، اینڈریز گوس، صاحبزادہ فرحان، سلمان علی آغا، عماد وسیم، حیدر علی، جیسن ہولڈر، اعظم خان( وکٹ کیپر)، بین ڈورشوئس، نسیم شاہ اور حسنین شاہ۔