پاکستان سپر لیگ ( پی ایس ایل) کے دسویں ایڈیشن میں پوائنٹس ٹیبل کی ترتیب ایک بار پھر اس وقت بدل گئی، جب لاہور قلندر نے اسلام آباد یونائیٹڈ کو 88 رنز سے ہرا دیا، اسلام آباد یونائیٹڈ کے خلاف اس بڑی فتح نے لاہور قلندر کو پوائنٹس ٹیبل پر دوسرے نمبر پر براجمان ہونے کا موقع فراہم کردیا۔

قبل ازیں، پوائنٹس ٹیبل پر دوسرے نمبر پر کوئٹہ گلیڈی ایٹرز نے قبضہ جما رکھا تھا، اور لاہور قلندر تیسرے اور کراچی کنگ چوتھے نمبر پر براجمان تھیں۔

گزشتہ روز لاہور کے قذافی اسٹیٹیدم میں کھیلے گئے میچ میں ٹورنامنٹ کی ناقابل شکست رہنے والی ٹیم اسلام آباد یونائیٹڈ کو لاہور قلندر کے ہاتھوں پہلی شکست کا مزہ چکھنا پڑا، تاہم اس سے اسلام آباد یونائیٹڈ کی پوزیشن پر کوئی فرق نہیں پڑا ہے۔

پوائنٹس ٹیبل پر تازہ ترین صورتحال کے مطابق اسلام آباد یونائیٹڈ بدستور پہلے، لاہور قلندر دوسرے، کوئٹہ گلیڈی ایٹرز تیسرے، کراچی کنگ چھوتھے، اور پشاور زلمی پانچویں نمبر پر موجود ہیں۔

قذافی اسٹیڈیم لاہور میں گزشتہ روز کھیلے گئے میچ میں لاہور قلندر نے پہلے کھلیتے ہوئے مقررہ 20 اوورز میں 6 وکٹوں کے نقصان پر 209 رنز بنائے۔ تاہم جواب میں اسلام آباد یونائیٹڈ کی پوری ٹیم 16.5 اوورز میں 121 رنز بنا کر آؤٹ ہو گئی۔